नागपूर : शहरातील कोरोना रुग्णांची संख्या दिवसेंदिवस वाढतच आहे. यावर कुठल्याही प्रकारे नियंत्रण मिळत नसल्याने १५ ते २१ मार्चपर्यंत शहरात लॉकडाऊन घोषित करण्यात आले होते. मात्र, याचा काहीही उपयोग झालेला दिसत नाही. यामुळेच शहरात ३१ मार्चपर्यंत पुन्हा लॉकडाऊन वाढविण्यात आले आहे.
लॉकडाऊन घोषित केल्यानंतरही शहरात रुग्ण वाढीचीसंख्या काही कमी झालेली नाही. उलट रुग्णसंख्या वाढल्याचे पाहायला मिळत आहे. शहरात कोरोना रुग्णांची संख्या झपाट्याने वाढत आहे. रोज २,२०० ते ३,००० जवळपास रुग्ण आढळून येत आहे. यामुळे कोरोनाने पुन्हा डोकं वर काढल्याचे आकडेवारीवरून दिसून येत होते. ही स्थिती आटोक्यात आणण्यासाठी नागपूर शहरात ३१ मार्चपर्यंत लॉकडाऊन वाढविण्यात आल्याची महिती पालकमंत्री नितीन राऊत यांनी दिली.
मागील काही दिवसांपासून शहरात कोरोना रुग्णांची संख्या शहरात मोठ्या प्रमाणात वाढत आहे. काहीही केल्या यावर नियंत्रण मिळवण्यात प्रशासनाला यश आलेले नाही. नागरिकही बिनधास्त शहरात वावरताना दिसत आहे. लग्न समारंभ, खाजगी कार्यक्रमात नागरिकांची गर्दी चांगलीच वाढली आहे. यामुळे कोरोना चांगलाच पसरत आहे. यामुळे २३ फेब्रुवारी ते ७ मार्चपर्यंत शहरात मिनी लॉकडाऊन करण्यात आला होता.
शनिवार व रविवारी बाजारपेठ बंद ठेवण्याचे आदेश नितीन राऊत यांनी मागे केली होती. यानंतर नागपूर जिल्ह्यात १४ मार्चपर्यंत पुन्हा निर्बंध वाढविण्यात आले होते. नागपुरातील भयावह स्थितीवर महत्त्वाची बैठक पालकमंत्री नितीन राऊत यांनी घेतली. या बैठकीला १५ ते २१ मार्चपर्यंत लॉकडाऊन घोषित करण्यात आला होता. मात्र, शनिवारी झालेल्या बैठकीत लॉकडाऊनमध्ये ३१ मार्चपर्यंत वाढ करण्यात आली आहे.
लॉकडाऊन संदर्भात पालकमंत्री नितीन राऊत यांच्या उपस्थितीत विभागीय आयुक्त कार्यालयात महत्त्वपूर्ण बैठक पार पडली. बैठकीला विरोधी पक्षनेते देवेंद्र फडणवीस यांचीही उपस्थिती होती. यावेळी जिल्ह्यातील खासदार, आमदार, व्यापारी संघटना आणि संपादकांशी ऑनलाईन संवाद संवाद साधण्यात आला. यानंतर जिल्ह्यात कोरोनाची भयावह स्थिती बघता लॉकडाऊन वाढविण्याचा निर्णय घेण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.