नागपूर : पोलिस ठाण्यात कार्यरत असताना एकाच शिफ्टमध्ये ड्युटीवर असताना दोघांची मैत्री झाली. अंगावरील खाकीचे भान विसरून दोघांचे प्रेमसंबंध प्रस्थापित केले. विवाहित असूनही दोघांचेही प्रेम फुलले. मात्र, त्यांच्या प्रेमाची कुणकुण पत्नीला लागली, तिने पाळत ठेवल्यानंतर दोघांना रंगेहात पकडले.
त्यानंतर पत्नीने पतीसह त्याच्या प्रेयसीची वरिष्ठांकडे तक्रार केली. एका चित्रपटाला शोभेल असे कथानक नागपूर शहर पोलिस दलात घडले. योगेश (वय 35) आणि वृषाली (वय 30) असे या प्रेमी युगुलाचे नाव आहे.
योगेश हा हुडकेश्‍वरमध्ये राहतो तर वृषाली पोलिस वसाहतीत राहते. दोघेही 2016 मध्ये झोन चारमधील एका पोलिस ठाण्यात ड्युटीवर होते. दोघांचीही एकाच पथकात ड्युटी असल्यामुळे सोबतच काम सुरू होते. दरम्यान दोघांची मैत्री झाली. मैत्रीचे रूपांतर प्रेमसंबंधात झाले. त्यावेळी योगेश हा विवाहित होता तर वृषाली अविवाहित होती. त्यामुळे दोघांची पोलिस ठाण्यातही चर्चा होती. ती कुणकुण पत्नी मलायका हिच्यापर्यंत पोहचली. त्यामुळे तिने पती योगेशसोबत चर्चा केली आणि वृषालीला घरी बोलविण्याचा तगादा लावला. मात्र, त्यावेळी त्याने प्रेमसंबंध असल्याबाबत स्पष्ट नकार दिला. त्यामुळे मलायकाने त्याच्यावर विश्‍वास ठेवला.
चार वर्षांपूर्वी पोलिस ठाण्यात कौटुंबिक हिंसाचाराचा गुन्हा दाखल करण्यात आला होता. मलायकाने वृषालीसोबत योगेशचे प्रेमसंबंध असून रंगेहात पकडल्याचा दावा केला होता. तसेच या दोघांसह अन्य सदस्यांनीही मारहाण केल्याचा आरोप केला होता. तब्बल चार वर्षांनंतर योगेश आणि वृषालीवर वरिष्ठ पोलिस अधिकाऱ्यांनी निलंबनाची कारवाई केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.