Nagpur News : प्रेमाच्या जाळ्यात ओढून १७ वर्षीय मैत्रिणीला सुपारीतून गुंगीचे औषध देत, तिच्या अत्याचार केल्याप्रकरणी २४ वर्षीय युवकावर पोक्सोअंतर्गत गुन्हा दाखल करून पोलिसांनी त्याला अटक केली. ही घटना जरीपटका पोलिस हद्दीत उघडकीस आली.
श्‍लोक विशाल शेंडे (वय २४, रा. जरीपटका) असे आरोपीचे नाव आहे. तो कुख्यात गुंड असून खुनातील आरोपी आहे. पोलिसांनी दिलेल्या माहितीनुसार, युवती घराजवळ असलेल्या गार्डनमध्ये फिरायला जात असताना श्‍लोक तिथे यायचा.
तिथे त्याची आणि मुलीची ओळख झाली. मैत्रीचे प्रेमात रुपांतर झाले. त्यामुळे लपून छपून भेटत होते. यादरम्यान त्याने तिला सुपारीतून गुंगीचे औषध दिले. त्यानंतर मित्राच्या घरी नेऊन तिच्यावर अत्याचार केला.
दरम्यान ही बाब तिच्या लक्षात येताच, तिने त्याच्याशी बोलणे सोडले. मात्र, त्यानंतर तो तिच्या मागे लागला. एक दिवस तिला जबरदस्तीने गिट्टीखदान परिसरात नेऊन तिच्यावर अत्याचार केला.
यानंतर तिला शिवीगाळ करीत, ही बाब कुणालाही सांगितल्यास चाकूने ठार मारण्याचीही धमकी दिली. त्यामुळे मुलीने आईला सांगितले. आईने शनिवारी (ता.२९)जरीपटका पोलिस ठाणे गाठून आरोपीविरोधात तक्रार दाखल केली. त्यावरून पोलिसांनी गुन्हा दाखल करीत, त्याला अटक केली असून तपास सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
