Nagpur crime : चिमुकलीवर अत्याचार करणारा गजाआड

नागपूर : पारडी परिसरात आभानगर येथे दिवसाढवळ्या ९ वर्षीय मुलीवर अत्याचार करून फरार झालेला आरोपीला सामाजिक सुरक्षा विभागाच्या पथकाने अटक केली आहे.

गणपत नानाजी जयपूरकर( वय५६, रा.पारडी) असे अटक करण्यात आलेल्या आरोपीचे नाव आहे. ही खळबळजनक घटना रविवारी (ता.१५) दुपारी साडेतीन वाजताच्या सुमारास उघडकीस आली. याप्रकरणी पोलिसांनी पोक्सोअंतर्गत गुन्हा दाखल केला होता. पोलिसांनी दिलेल्या माहितीनुसार, मुलगी पीडित मुलगी तिसरीत असून तिला लहान बहीणही आहे. आई-वडील मजुरी करतात.

रविवारी (ता.१५) दुपारी दोघेही घरी कामावर गेले असताना, एक ३५ वर्षीय अनोखळी व्यक्ती दुचाकीवरून त्यांच्या घरी आला. ती चार वर्षीय लहान बहिणीसह घरात होती. दोघींनाही चॉकलेट देत, आरोपीने मुलीला वडील घरी आहेत का? असे विचारले. नंतर बहिणीला घरा बाहेर ठेवून आत खोलीत गेला. त्यानंतर चिमुकलीवर अत्याचार केला. त्यामुळे ती रडू लागली. तेव्हा त्याने तिला वीस रुपये देत पळ काढला.

सायंकाळी आई-वडील घरी आल्यावर तिने हा प्रकार सांगितला. याप्रकरणाचा समांतर तपास करताना सामाजिक सुरक्षा विभागाने तांत्रिक तपास केला. दरम्यान विविध सीसीटीव्ही कॅमेरे तपासले. त्यातून बाईकचा शोध घेत आरोपीचा शोध घेत त्याला अटक केली. घटनेनंतर आरोपी कुठल्या दिशने गेला याची माहिती मिळाला होती. त्यानंतर आरोपीच्या अटकेसाठी पोलिसांचे पथके रवाना झाले होते. मोबाइलच्या लोकेशनच्या आधारे आरोपीचा पत्ता मिळताच त्याला अटक करण्यात आल्याचे पोलिसांनी सांगितले.

परिसरात राहणारा निघाला आरोपी

आरोपी परिसरातील असल्याने बाईकवरून आल्यावर तो नेमका कुठे गेला याचा शोध पोलिस घेत होते. मात्र, सीसीटीव्ही कॅमेऱ्यात तो कुठेही बाहेर गेला नसल्याने परिसरात रेखाचित्राच्या आधारे पथकाने शोधून आरोपीला अटक केली.