कोंढाळी : पाच वर्षापूर्वी लग्न झालेल्या महिलेचे मागील एका वर्षापासून गावातील युवकासोबत फेसबुक मैत्री झाली. त्यानंतर व्हाट्सअप चॅटिंगचे रुपांतर घट्ट मैत्रीत होऊन एकमेकाशी मन जुळले. यादरम्यान दोघांची एकमेकांसोबत लग्नाची बोलणी झाली.ही माहिती महिलेच्या सासरकडील कुटुंबियांना कळताच महिलेने युवकाकडे लग्नाचा तगादा लावला, मात्र आरोपी युवकाने लग्नाला नकार देताच, महिलेने सासर व माहेरच्या नातेवाईकांसोबत पोलिस ठाणे गाठले.
पीडित महिलेने आरोपी युवकाविरुद्ध रविवारी (ता.२९)कोंढाळी पोलिस ठाण्याला येऊन तक्रार नोंदवली. या प्रकरणी मिळालेल्या माहितीनुसार कोंढाळी पोलिस ठाण्यांतर्गत येणाऱ्या मासोद येथील २४ वर्षीय विवाहित महिला व याच गावातील ३० वर्षीय युवकाची मागील एक वर्षापासून विवाहित महिलेसोबत फेसबुक मैत्री झाली, नंतर घट्ट प्रेमसंबंध झाले.
यादरम्यान आरोपीने लग्नाचे आमिष दाखवून जुनापानी, कारंजा, तसेच नागपूर येथील लॉजवर नेऊन शारिरीक संबंध स्थापित केले. याची माहिती फिर्यादी महिलेच्या कुटुंबीयांना मिळाली. यातून फिर्यादी विवाहित महिलेने फेसबुक मित्र राहूल अरूणराव डोंगरे (३०, मासोद) याला लग्नाची गळ घातली.
मात्र फेसबुक, व्हाट्सअपमधून आरोपी युवकाने लग्नासाठी नकार दिला. आरोपीने लग्नास नकार देताच फिर्यादी तरूणी विवाहित महिलेने आपल्या कुटुंबियांसोबत कोंढाळी पोलिस ठाण्यात जाऊन राहूल डोंगरे याच्याविरूद्ध तक्रार दाखल केली.
घटनेची तक्रार देताच कोढाळी पोलिस उपनिरीक्षक धवल देशमुख यांनी राहूल डोंगरेविरूद्ध गुन्हा दाखल करून ताब्यात घेतले आहे. कोंढाळी पोलिस ठाण्याचे ठाणेदार राजकुमार त्रिपाठी यांच्या मार्गदर्शनाखाली एएसआय भोजराज तांदूळकर व पोलिस शिपाई मनोज आगरकर पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.