नागपूर : आमदाराच्या नावाने आरोपींनी लाच मागणाऱ्या दोघांना लाचलुचपत प्रतिबंधक विभागाने २५ लाख रुपये लाच स्वीकारताना मंगळवारी (ता.२८) अटक केली. याप्रकरणी दोन महिला अधिकाऱ्यांनी तक्रा दिली होती. दरम्यान दोघांनाही बुधवारी (ता.२९) जिल्हा सत्र न्यायालयासमोर सादर केले असता, त्यांना न्यायालयाने चार दिवसांची पोलिस कोठडी सुनावली. दरम्यान आता तपासात बऱ्यात तथ्यांचा खुलासा होण्याची शक्यता आहे.
दिलीप खोडे (वय ५० रा. ठाणे ) आणि त्याचा साथीदार शेखर भोयर रा. अमरावती (खाजगी इसम) यांना काल लाचलुचपत प्रतिबंधक विभागाच्या पथकाने अटक केली होती. राज्य सरकारच्या कार्यालयात असलेल्या दोन महिला अधिकाऱ्यांनी विधानपरिषदेचे आमदार वजाहत मिर्झा यांच्याकडे तक्रार केली होती.
दरम्यान दिलील खोडे याने ज्याच्या विरुद्ध महिलांनी तक्रार केली, त्याच्याशी संपर्क साधला. तसेच विधानपरिषदेत प्रश्न उपस्थित न करणे व तक्रारीवर कोणतीही कारवाई न होता परस्पर मिटविण्याकरिता आरोपींनी दोन प्रकरणाचे प्रत्येकी ५० लाख रुपये असे एकूण १ कोटी रुपयांची मागणी केली. नंतर हे प्रकरण २५ लाखांवर निश्‍चत झाले.
मात्र, तक्रारदार महिलांनी याबाबत लाचलुचपत प्रतिबंधक कार्यालयाकडे तक्रार केली. तक्रारीची पडताळणी केल्यावर पथकाने सापळा रचला आणि दोघांनाही अटक केली. यावेळी दोघांनाही जिल्हा सत्र न्यायालयासमोर सादर केले असता, त्यांना न्यायालयाने चार दिवसांची पोलिस कोठडी सुनावली. खोडे हा यापूर्वी राजकीय नेत्याकडे काम करीत असल्याने त्याने हे कुणाच्या म्हणण्यानुसार केले वा त्याचा पाठीराखा कोण? याचा शोध पोलिसांद्वारे घेण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
