वणी - तालुक्यातील राजूर या आपल्या गावी दुचाकीने परतत असलेल्या दुचाकीस्वारांना कारने जबर धडक दिली. त्यात दोघे दुचाकीस्वार जखमी झाले. त्यातील एका गंभीर तरुणाचा चंद्रपूर येथील रुग्णालयात मृत्यू झाला. ही घटना मार्गावरील साई मंदिराजवळ रविवारी (ता.२३) रात्री नऊच्या सुमारास घडली.
आकाश रतन गाडेकर (वय २६) असे अपघातातील मृत तरुणाचे नाव आहे. दुचाकी चालवीत असलेला रंजित हिरामण खोब्रागडे (वय २८) हा किरकोळ जखमी झाला आहे. ते दोघेही राजूर कॉलनी येथील रहिवासी आहेत. रविवारी वणी येथील आपले काम आटोपून ते दोघे दुचाकीने (क्रमांक एमएच २९-७०७३) आपल्या गावी परतत होते.
त्याचवेळी मागून आलेल्या भरधाव स्कॉर्पियो कारने (क्रमांक एम२९- ७२६६) जबर धडक दिली. त्यात दुचाकीवर मागे बसलेला तरुण आकाश हा गंभीर जखमी झाला. त्याला त्वरित वणीच्या ग्रामीण रुग्णालयात नेले.
मात्र, प्रकृती चिंताजनक असल्याने त्याला चंद्रपूरला हलविण्यात आले. तेथील डॉक्टरांनी तपासणीनंतर त्याला मृत घोषित केले. अपघातानंतर कारसह चालक घटनास्थळावरून फरार झाला. पोलिसांनी याबाबत कारचालक अनिल धर्माजी भोयर (वय ४७) याच्याविरुद्ध गुन्हा दाखल केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
