नागपूर : दुकानातून स्टेशनरी आणण्यासाठी गेलेल्या १३ वर्षीय मुलगा नाट्यमयरित्या काही तासातच अमरावती रेल्वेस्टेशन जवळ सापडल्याने खळबळ उडाली. सध्या तो पोलिस ठाण्यात असून तो तिथे कसा पोहचला? याबाबत विचारणा सुरू आहे. मात्र, त्याने अद्याप माहिती न दिल्याने गुढ कायम आहे.
इतवारी परिसरात एक कोळसा व्यापाऱ्याचा पुतण्या परिरातील दुकानातून स्टेशनरीचे साहित्य आणण्यासाठी सायंकाळी ५च्या सुमारास घरातून निघाला. तो दुकानात गेला. तिथून त्याने स्टेशनरीचे साहित्य घेतले. परत येत असताना, तो घरी न आल्याने कुटुंबियांमध्ये खळबळ उडाली. त्यांनी त्याची शोधाशोध केली. मात्र, न सापडल्याने लकडगंज पोलिसांत तक्रार नोंदविली. रात्री उशिरा पोलिस शोध घेत असताना, तो अमरावती येथील स्टेशनवर असल्याचे समजले.
पोलिसांचे पथक पाठवून त्याला शुक्रवारी सकाळी परत आणण्यात आले. त्याला सकाळपासूनच विचारणा करण्यात येत असताना, तो केवळ माहिती नसल्याचे सांगत आहे. मात्र, अचानक मुलगा तीन तासात अमरावतीकडे कसा गेला? हा प्रश्‍न अजूनही अनुत्तरित असल्याचे वरिष्ठ पोलिस निरीक्षक पोटे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
