Carrom World Cup : पैशाअभावी नागपूरच्या कॅरमपटूची ‘अमेरिकावारी’ वांध्यात; निखिल लोखंडेची विश्‍वचषकासाठी झाली निवड

नागपूर : उपराजधानीतील प्रतिभावान कॅरमपटू निखिल लोखंडेची विश्वचषक कॅरम स्पर्धेसाठी भारतीय संघात निवड करण्यात आली. मात्र स्पर्धेसाठी आवश्यक असलेले दीड लाख रुपये नसल्याने त्याची अमेरिकावारी संकटात सापडली आहे. एक-दोन दिवसांत पैशाची जुळवाजुळव न झाल्यास निखिलचे ‘वर्ल्डकप’मध्ये खेळण्याचे स्वप्न धुळीस मिळू शकते.