Congress Maharally in Nagpur: भारतीय राष्ट्रीय काँग्रेसच्या १३८ व्या स्थापना दिनानिमित्त नागपुरातील उमरेड मार्गावरील मैदानावर उद्या (२८ डिसेंबरला) सभेचे आयोजन केले आहे. सभेदरम्यान वाहतुकीची कोंडी होण्याची दाट शक्यता आहे. शिवाय कार्यक्रमात देशभरातील काँग्रेसचे ‘व्हीआयपी’ नेते सहभागी होणार असल्याने पोलिसांकडून चोख बंदोबस्त लावण्यात आला आहे.
पोलिसांकडून सभेसाठी चार पोलिस उपायुक्त, चार साहाय्यक पोलिस उपायुक्त आणि आठ पोलिस निरीक्षकांसह साडेचारशे पोलिस कर्मचारी तैनात करण्यात आले आहे. सहायक पोलिस आयुक्तांसह १५ सहायक पोलिस निरीक्षक तसेच १७४ वाहतूक पोलिसांची नेमणूक केली आहे.
अशी असेल वाहतूक व्यवस्था
वाहतूक विभागाच्या अधिसूचनेनुसार नागपूर ते उमरेड रोडने जाणारी वाहतूक दुचाकी, कार, ऑटो चामट चक्की चौकाजवळून म्हाळगीनगर चौक व पुढे पिपळामार्गे अमरावती-जबलपूर रिंग रोडने विहीरगावजवळून पुलाखालून उमरेड, भिवापूर, पवनीमार्गे जातील. ट्रक, बस, व अन्य अवजड वाहने आवारी चौकातून डावे वळण घेऊन क्रीडा चौक,
तुकडोजी चौक, मानेवाडा चौक, म्हाळगीनगर चौकातून उजवे वळण घेऊन पिपळामार्गे जातील. उमरेडकडून येणारी वाहतूक विहीरगाव पुलाजवळून डावीकडे वळण घेऊन हुडकेश्वर खुर्द पुलाखालून म्हाळगीनगर चौक या मार्गाने वळविण्यात आली आहे. ही अधिसूचना गुरुवारी सकाळी ८ ते रात्री ९ दरम्यान लागू राहणार आहे. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
