नागपूर : प्रेमप्रकरणात आडकाठी आणून गुन्हा दाखल करीत, पोलिस कारवाई करण्याचा राग मनात धरुन युवकाने तिघांवर चाकूने हल्ला करीत, गंभीर जखमी केले. ही घटना रविवारी (ता.२५) श्‍यामनगर परिसरात घडली. याप्रकरणी बिसमिल्ला रफीक कनोज (वय ३७,रा. नविन नगर, प्रायमरी शाळेजवळ, पारडी) यांनी दिलेल्या तक्रारीवरुन युवकाविरोधात गुन्हा दाखल केला आहे.
रमजान उर्फे मुनिर इकराम अंसारी (वय १९, रा. सबीना ले-आउट, आजरी माजरी) असे आरोपीचे नाव आहे. इकबाल शेख अजिज शेख, (वय ४०) आणि राजू शंकर धमगाये (वय ३९) साहिल रफीक कनोज (वय १९, तिन्ही रा. गल्ली नं १, हसनबाग कब्रस्तान) अशी जखमींची नावे आहेत.
पोलिसांनी दिलेल्या माहितीनुसार, तीन महिन्यांपूर्वी रमजान याने प्रेमप्रकरणातून मुलीला पळवून नेल्याप्रकरणी इकबाल यांनी त्याच्याविरोधत गुन्हा दाखल केला होता. त्यातून त्याला अटक झाली होती. दरम्यान त्याच्या मनात त्याबाबत राग होता. शनिवारी (ता.२५) इकबाल आणि राजू आपल्या दूचाकीने पारडी परिसरातील श्‍यामनगर येथून जात असताना मागून कारने (एम.एच. ३१ ए.जी. ८११०) कट मारली.
त्यातून दोघांनीही थांबून त्याला ‘हमको मारेगा क्या, कैसी गाडी चलाता है’ असे म्हटले. त्यावरुन रमजान कार लावून बाहेर आला आणि चाकूने इकबाल यांच्या पाठीवर चाकुने वार करण्यास सुरुवात केली. त्याला थांबविण्यासाठी राजू मध्ये येताच, त्याच्याही पाठीवर वार केले.
याबाबत साहिलला संपर्क केल्यावर तो येताच, त्याच्याही बोटावर वार करीत, जखमी केले आणि कार सोडून फरार झाला. त्यांना उपचारासाठी रुग्णालयात दाखल करण्यात आले. याप्रकरणी पोलिस उपनिरीक्षक सरकटे गुन्हा दाखल करीत, आरोपीचा शोध सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
