नागपूर : शहरातील लिबर्टी चौकात असलेल्या एका संस्थेत वित्त अधिकारी म्हणून काम करणाऱ्याने आपल्याच संस्थेला १ कोटी २० लाखाने चुना लावला. प्रेमकुमार सॅम्युअल पोतराजू (४०) यांच्या तक्रारीवरून सदर पोलिसांनी आरोपीवर फसवणुकीचा गुन्हा दाखल केला आहे. सुमन शेखर राऊत (३०) रा. महालक्ष्मी अपार्टमेंट, झिंगाबाई टाकळी असे आरोपीचे नाव आहे.
प्राप्त माहितीनुसार, प्रेमकुमार हे संस्थेत सरचिटणीस आहेत. ते मुळचे तेलंगणा येथील असून सध्या नागपूरला वास्तव्याला आहेत. सागर ज्योती शिक्षा निकेतन या संस्थेचे मुख्यालय सदर येथील लिबर्टी टॉकीज चौकजवळ आहे.संस्थेची १.२० कोटीने फसवणूक
आरोपी सुमन हा २०१८ पासून संस्थेत वित्त अधिकारीपदावर होता. तोच सर्व आर्थिक बाबी हाताळायचा. सुमनसह प्रेमकुमार या दोघांचे मोबाईल क्रमांकही संस्थेच्या खात्याशी जोडण्यात आले होते. सुमनने खात्यातून अध्यक्ष व सचिवांचे मोबाईल क्रमांक काढून घेतले. त्याने केवळ आपला मोबाईल नंबर खात्याशी लिंक राहू दिला.
त्यामुळे संस्थेच्या खात्यातील व्यवहारांचे मेसेज आणि ओटीपी फक्त त्याच्याच मोबाईलवर येऊ लागले. याचा फायदा घेत त्याने संस्थेच्या खात्यातून तब्बल १ कोटी २० लाख रुपये काढले व आपल्या खात्यात वळते करून संस्थेची फसवणूक केली.
ही संस्था गरीब मुले व महिलांच्या कल्याणासाठी कार्य करते. जुलै २०२२ ते जानेवारी २०२३ या कालावधीत सुमनने संस्थेच्या खात्यात २ कोटी ४२ लाख एक हजार रुपये बेकायदेशीरपणे जमा केले. या कालावधीत त्याने ४ कोटी ५५ लाख २८ हजार ५८४ रुपये काढले.
त्याच्या साथीदारांच्या मदतीने त्याने संस्थेच्या दिल्ली येथील खात्यातून ७ कोटी रुपये काढले. हा प्रकार उघडकीस आल्यानंतर संस्थेने दिल्लीत तक्रार दाखल केली. दिल्ली पोलिसांनी त्याला अटक केली आहे. याशिवाय त्याने संस्थेत अनेक आर्थिक व्यवहार अनधिकृतरित्या केले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.