नागपूर - शुक्रवारी मध्यरात्री बरसलेल्या पावसाने शनिवारपर्यंत चार जणांचा मृत्यू झाल्याची माहिती समोर आली असताना, त्यात रविवारी (ता.२४) आणखी एका मृताची भर पडली. कृष्णकुमार लेखराम बरखंडी (वय २१, रा. राणीडोंगरी, जमबाडा, बुदरूक, बैतुल, मध्यप्रदेश) यांचा धंतोली परिसरात असलेल्या गणेशसागर रेस्टॉरेट येथे भरलेले पाणी इलेक्ट्रिक पंपाने काढत असताना, विजेच्या धक्का लागल्याने मृत्यू झाला.
मध्यरात्री नागपूर शहरासह जिल्ह्यात तुफान पावसाने हजेरी लावली. त्यामुळे ठिकठिकाणी पाणी साचले. धंतोली परिसरात असलेल्या गणेश सागर रेस्टॉरेन्टमध्येही पावसाचे पाणी शिरले. ते काढण्यासाठी नोकराने इलेक्ट्रिक पंप लावला.
मात्र, त्याला विजेचा धक्का लागला आणि तो बेशुद्ध पडला. त्याला खासगी रुग्णालयात नेले असता, डॉक्टरांनी त्याला तपासून मृत घोषित केले. याप्रकरणी समीर ताज मोहम्मद अंसारी (वय ३५, रा. वांजरा ले-आउट) याने दिलेल्या सूचनेवरून पोलिसांनी अकस्मात मृत्यूची नोंद केली असून तपास सुरू केला आहे.
शनिवारी दगावले होते चार जण
पावसाच्या तडाख्यात शनिवारी चार जणांचा मृत्यू झाला. यामध्ये पश्‍चिम नागपुरातील अहबाब कॉलनीमधील मिरा पिल्लई (वय ७०), तेलंगखेडीमध्ये संध्या ढोरे आणि अजनी परिसरात पाणी भरलेल्या खड्ड्यात पडल्याने जखमी होत, संजय शंकरराव गाडेगावकर (वय ५२, रा. अयोध्यानगर, साई मंदिर मागे) यांचा मृत्यू झाला. याशिवाय एका इसमाचा धंतोलीतील स्टार बस स्थानकाजवळ पाण्यात बुड्यालाने मृत्यू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
