नागपूर - मॉन्सून विदर्भातून परतला असून, आता हिवाळा सुरू होऊन हळूहळू थंडी पडायला सुरुवात झाली आहे. कोरड्या वातावरणामुळे तापमानात सातत्याने वाढ होत असून, पारा पस्तिशीपार गेला आहे. त्यामुळे उकाडा जाणवत आहे. दिवसभर उन्हाचे चटके बसत असून, रात्रीच्या सुमारास हवेत गारवा पसरत आहे.
पावसाने निरोप घेताच ''ऑक्टोबर हिट''चे चटके जाणवायला लागतात. गेल्या तीन-चार दिवसांपासून वैदर्भींना हा अनुभव येत आहे. गेल्या काही दिवसांपासून कमाल तापमानात सातत्याने वाढ होत असून, रात्रीच्या सुमारास पारा खाली येत असल्याने हवेत गारवा पसरून थंडी पडायला लागली आहे.
शुक्रवारी कमाल तापमानात आणखी वाढ होऊन या हिवाळ्यात पारा प्रथमच ४४.९ अंशांवर गेला. विदर्भात सर्वाधिक तापमानाची नोंद वर्धा येथे ३५.५ अंश सेल्सिअस करण्यात आली. सध्या स्थितीत विदर्भातील बहुतांश जिल्ह्यांचा पारा ३२ ते ३६ अंशांच्या दरम्यान आहे. उन्हाच्या चटक्यांमुळे उकाडा वाढला असून, नागपूरकर अक्षरशः घामाघूम झाले आहेत. त्यामुळे हिवाळ्याच्या दिवसांमध्येही पंखे गरागरा फिरत आहेत.
मॉन्सून राजस्थान व अन्य काही राज्यांतून माघारी परतला असून, विदर्भातूनही शुक्रवारी मॉन्सूनने अधिकृत निरोप घेतल्याची घोषणा, प्रादेशिक हवामान विभागातर्फे करण्यात आली. त्यामुळे आगामी काळात उन्हाचे चटके व थंडीचा खेळ सुरूच राहणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
