नागपूर : नागपुरात मध्यरात्रीच्या सुमारास ढगफुटी झाली. यामुळे सर्वत्र पाणी साचले. नाले ओवरफ्लो झाले. अशा परिस्थितीत जीवाची पर्वा न करता एक वरिष्ठ पोलिस निरीक्षकाने दोघांचे प्राण वाचवून आपल्या शौर्याची प्रचिती दिली.
सीताबर्डी तील जानकी टॉकीज परिसरात पहाटे पाच वाजताच्या सुमारास पाणी साचल्याच्या कॉल वायरलेस वर आला. आपले काम आटोपून यशोधरानगर पोलिस ठाण्याचे वरिष्ठ पोलिस निरीक्षक ध्यानेश्वर भेदोडकर हे आपल्या पोलिस वाहनात घराकडे जात होते. यादरम्यान ते सीताबर्डी परिसरात आले असताना त्यांनी तो ऐकला.
यावेळी महापालिकेच्या अग्निशमन दल पोहचला नसल्याची माहिती त्यांना मिळाली. ते तत्काळ घटनास्थळी दाखल झाले, यावेळी नाल्याच्या भाग पाण्याने फुटून बाजूला मोठ्या फ्लो वाहू लागला. यामध्ये ४२ वर्षीय संगीता तिवारी आणि त्यांचा १६ वर्षीय मुलगा फसल्याचे आढळून आले.
त्यामुळे त्यांना वाचविण्यासाठी भेदोडकर यांनी गाडीत असलेला दोर आणि बेल्ट काढून त्याद्वारे आपल्या सहकाऱ्यांसह त्यांना अतिशय धैर्याने सुखरूप बाहेर काढले. भेदोडकर यांच्या या शौर्याने दोन जीवांचे प्राण वाचविण्यात त्यांना यश आले. त्यांच्या या कार्याचे सर्वत्र कौतुक होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
