सबस्क्राईब करा
नागपूर - आत्याची तब्येत ठिक राहत नसल्याने देखरेखीसाठी बोलाविलेल्या मामाच्या मुलानेच आर्थिक हेरफेर करीत, २ कोटी ४१ लाख रुपयांनी फसवणूक केली. ही घटना जरीपटका येथील हेमू कॉलनीत उघडकीस आली. पोलिसांनी अनिता अशोक मोरयानी (वय ३५) यांनी दिलेल्या तक्रारीवरून फसवणुकीचा गुन्हा दाखल केला आहे.
तन्मय नरेश दुधानी (वय ३१, रा. भोपाल) असे आरोपीचे नाव आहे. जरीपटका येथील हेमु कॉलनीमध्ये राहणाऱ्या अनिता अशोक मोरयानी यांच्या आईची प्रकृती २०१९ मध्ये खराब असताना त्यांनी आपल्या मामेभाऊ असलेल्या तन्मयला भोपाल येथून बोलावून घेतले. यावेळी त्याच्यावर विश्‍वास असल्याने तो त्यांचे संपूर्ण आर्थिक व्यवहार बघू लागला.
यादरम्यान त्यांच्या आईचा मृत्यू झाल्याने त्यांनी सर्व आर्थिक व्यवहार त्याच्याकडे दिले. त्याने या विश्‍वासाचा फायदा घेत, अनिता यांच्या वडिलांनी जमा केलेली संपूर्ण रक्कम स्वतःचा नावाने ॲक्सिस बॅकेत खाते उघडून जमा केली. तसेच त्याने अनिता व त्याची आई व बहिणीचे वडीलोपार्जीत दागिने स्वतःच्या लॉकरमध्ये ठेवले.
याशिवाय ते परतही दिले नाही. विशेष म्हणजे, त्यांच्या बॅकेतील एफ.डी वर लोन घेवून अनिता यांच्या खोटी सह्या करून तेही पैसे लाटले. याशिवाय दागिणे व रोख असा एकूण २ कोटी ४१ लाख २१ हजार रूपयाचा मुद्देमाल स्वतःच्या नावाने करून घेतला. याप्रकरणी पोलिसांना दिलेल्या तक्रारीवरून पोलिस उपनिरीक्षक काळे यांनी गुन्हा दाखल केला असून पोलिस तपास करीत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
