Nagpur What's app Trading Fraud: अनोळखी व्हॉट्स ॲप ग्रुपवर विश्वास ठेवणे एका वृद्धाला चांगलेच महागात पडले. ट्रेडिंगच्या नावाखाली पैसे गुंतविल्यास जास्त नफा मिळेल, असे आमिष दाखवून सायबर गुन्हेगाराने २२ लाख ८६ हजार रुपयांनी फसवणूक केली. तक्रारीवरून सायबर पोलिसांनी फसवणुकीचा गुन्हा नोंदविला आहे.
तक्रारदार हे अजनी भागात राहतात. त्यांना अनोळखी व्यक्तीने एफवाय ३३७ या व्हॉट्स ॲप ग्रुपवर ॲड केले. त्यानंतर मेसेज पाठवून एफवाय गोल्ड नावाचा ॲप डाऊनलोड करण्यास सांगितले. यावर ट्रेडिंग केल्यास जास्त नफा मिळेल, अशी थाप मारली. तक्रारदाराचा विश्वास बसला. त्यांनी ॲपवर ट्रेडिंग करण्यास सुरुवात केली.
ठकबाजाने वेगवेगळ्या बँकेतून त्यांना पैसे भरण्यास सांगितले. आपल्याला अधिक नफा मिळेल, या आशेवर त्यांनी पैसे भरायला सुरुवात केली. पैसे भरण्याची रक्कम हळूहळू वाढत जाऊन ती २२ लाख ८६ हजार रुपयांपर्यंत गेली. हा सर्व व्यवहार २० डिसेंबर २०२३ ते २४ जानेवारी २०२४ दरम्यान झाला. (Latest Marathi News)
दीड महिन्यांचा कालावधी लोटून त्यांना नफा मिळाला नाही. संशय बळावल्याने त्यांनी ठकबाजाशी संपर्क साधला. मात्र, संपर्क झाला नाही. आपली ऑनलाइन फसवणूक झाल्याचे त्यांच्या लक्षात आले. त्यांनी सायबर पोलिस ठाणे गाठून तक्रार दिली.
तक्रारीवरून पोलिसांनी ऑनलाइन फसवणुकीचा गुन्हा नोंदवून सायबर गुन्हेगाराचा शोध सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
