Nagpur RTE Students Fees Case : कोंढाळी येथील लखोटिया भूतडा विद्यालयातील आरटीईस पात्र ५९ विद्यार्थ्यांकडून शुल्क आकारण्यात आले होते. नंतर ते परत करण्यात आले. ही शासनाची फसवणूक असून फौजदारी कारवाईची मागणी सदस्यांनी स्थायी समितीच्या बैठकीत केली.
परंतु या प्रकरणात शाळेवर फौजदारी कारवाईची गरज नसल्याचे मत पोलिसांना कळविल्याची माहिती माध्यमिक शिक्षणाधिकारी रवींद्र काटोलर यांनी बैठकीत दिली. विभागाकडून शाळेला बचाव करण्याचा प्रयत्न होत असून प्राथमिक शिक्षणाधिकाऱ्यांमार्फत चौकशी करण्याची मागणी संजय झाडे यांनी केली.
संजय झाडे यांनी हा मुद्दा उपस्थित केला होता. ५९ विद्यार्थी आरटीईसाठी पात्र असताना संस्थेने शुल्क वसूल केले. ही रक्कम लाखांच्या घरात आहे. अनुदानाचा गैरवापर आहे. अशा संस्थेवर फौजदारी कारवाई करून मान्यता रद्द करण्यात यावी, असा मुद्दा झाडे यांनी उपस्थित केला. (Latest Marathi News)
ही बाब संस्थेनेच उघडकीस आणून दिली होती. त्यामुळे चौकशी समिती बसवून या प्रकरणातील वस्तुस्थिती तपासण्यात आली. संस्थेने या विद्यार्थ्यांचे शुल्क परत केले असल्याची माहिती माध्यमिक विभागाचे शिक्षणाधिकारी काटोलकर यांनी दिली.
आरटीईच्या विषयाची चौकशी कशी केली’, असा प्रश्न झाडे यांनी उपस्थित केला. आरटीई समितीचे सदस्य असल्याने आपल्या अधिकारात चौकशी केली. फौजदारी कारवाईची गरज वाटत नाही, असे मत आपण नोंदविल्याचे बैठकीत सांगितले. (Latest Marathi News)
अधिकारी संबंधित शाळेला वाचवण्याचा प्रयत्न करीत असून फौजदार कारवाई झाली पाहिजे असे म्हणत प्राथमिक शिक्षणाधिकाऱ्यांमार्फत चौकशी करण्याची मागणी त्यांनी केली. यावर सीईओ सौम्या शर्मा यांनी आवश्यक कारवाई करण्याची ग्वाही दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
