Nagpur Seized Material Stolen From Godown: वाडी पोलिस हद्दीतील सुराबर्डी परिसरात सुपारी गोदामावर अन्न व औषध प्रशासनाने कारवाई करीत सुपारीची १८४ पोती जप्त केली होती. यानंतर तेथील व्यवस्थापकाने तो संपूर्ण माल लंपास केला. याप्रकरणी अन्न व औषध प्रशासन विभागाचे अधिकारी ललित प्रभुदास सोयाम (वय ४६) यांनी दिलेल्या तक्रारीवरून पोलिसांनी गुन्हा दाखल केला आहे.
सोहनलाल नंदलाल चव्हाण असे व्यवस्थापकाचे नाव आहे. पोलिसांनी दिलेल्या माहितीनुसार, सुराबर्डी येथे गोपाळ बळीराम अग्रवाल यांचे गोदाम आहे. डिसेंबर महिन्यात अन्न व औषध प्रशासनाने या गोदामावर छापा टाकून १८४ पोती सडकी सुपारी जप्त केली होती.
या कारवाईनंतर ती पोती गोदामात एका बाजूला ठेऊन गोदामाचे व्यवस्थापक सोहनलाल चव्हाण याच्याकडे मालाची जबाबदारी दिली होती. याशिवाय इतर सुपारीच्या कारवाईतील पोतीही या ठिकाणी एकत्र ठेवण्यात आली होती. पंचासमक्ष पोत्यांची मोजणी करून त्याचा ताबा सोहनलाल याच्याकडे देण्यात आला होता. दरम्यान रविवारी अन्न व औषध प्रशासन विभागाचे अधिकारी ललित प्रभुदास सोयाम यांनी या गोदामाची तपासणी केली. (Latest Marathi News)
मात्र, त्यांना एकूण पोत्यांपैकी ५०६ पोती गायब झाल्याचे दिसले. त्यांनी सोहनलाल यांना विचारणा केली. मात्र, त्याने काहीही माहिती नसल्याचे सांगितले. त्यामुळे सोहनलाल चव्हाण विरोधात दिलेल्या तक्रारीच्या आधारे गुन्हा दाखल केला असून पोलिस उपनिरीक्षक अविनाश निकालजे आणि उत्तम जायभाये तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.