नागपूर - तलाठी पदभरतीसाठी अर्ज करण्यासाठी असणारी महाराष्ट्र शासनाची महसूल विभागाची वेबसाईट सोमवारी दिवसभर बंद राहिल्याने उमेदवारांना अर्ज भरता आला नाही. या विषयाबाबत सकाळने आॅनलाईन बातमी प्रकाशित करून शासनाचे लक्ष वेधले. त्यानंतर संध्याकाळी साडेपाच वाजता महसूल व वनविभागातर्फे भूमि अभिलेख विभागाचे अतिरिक्त संचालक आनंद रायते यांनी शुद्धीपत्रक काढून एका दिवसाची मुदतवाढ दिल्याचे जाहिर केले.
सविस्तर असे की, महाराष्ट्र शासनाच्या महसूल विभागामार्फत तलाठी (गट क) संवर्गातील एकूण ४ हजार ६४४ पदांसाठी अर्ज करण्यासाठी आज १७ जुलै शेवटचा दिवस होता. अशात सकाळी ११ वाजेपासूनच वेबसाईट बंद होती. अनेक उमेदवारांना अर्ज भरण्यात अडचण जात असल्याची माहिती मिळताच सकाळने या विषयाकडे लक्ष वेधून पाठपुरावा केला.
त्यानंतर संध्याकाळी ई-महाभूमी (महसूल व वनविभाग) अतिरिक्त संचालक आनंद रायते यांनी यासंदर्भात मुदतवाढीबाबत शुद्धीपत्रक काढले. त्यानुसार आता तलाठी संवर्गातील रिक्त पदांसाठी आॅनलाईन अर्ज भरण्यासाठीची मुदत जी १७ जुलै रोजी ११.५५ होती.
ती आता अंतिम दिनांक १८ जुलै रोजी ११.५५ करण्यात आली आहे. तर आॅनलाईन पद्धतीने विहित परिक्षेचा शुल्क भरण्यासाठी २० जुलै रात्री ११.५५ अशी वेळ देण्यात आली आहे. सकाळने केलेल्या पाठपुराव्यामुळे तलाठी पदभरतीसाठी आॅनलाईन अर्ज करण्यासाठी मुदतवाढ मिळाल्याने स्पर्धा परिक्षार्थींकडून आभार मानण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
