Nagpur Accident of Cars : मानकापूर पोलिस ठाण्याच्या हद्दीत कोराडी महामार्गावर ट्रक अचानक थांबल्याने कार एकामागून एक धडकल्याने दोन जण जखमी झाले. ही घटना रविवारी रात्री १०.४५ च्या सुमारास उघडकीस आली. याची माहिती पोलिसांना मिळताच त्यांनी घटनास्थळी दाखल होऊन जखमींना रुग्णालयात दाखल केले. दोन जण जखमी असून त्यांच्यावर उपचार सुरू आहे.
पोलिसांनी ट्रक चालकांवर गुन्हा दाखल केला असून तपास सुरू केला आहे. रविवारी रात्री एकामागोमाग एक अशा चार ते पाच कार धडकल्याने परिसरात खळबळ उडाली. यामुळे नागरिकांनी मानकापूर चौकात धाव घेतली. हजारोंच्या संख्येत नागरिक येथे गोळा झाले होते. यामुळे वाहतूक व्यवस्था खोळंबली होती.
मानकापूर चौकात आतापर्यंत अनेकांचा मृत्यू अपघातांमध्ये झाला आहे. दर एक दोन दिवसांनी या चौकासह रिंगरोड चौकात लहानमोठे अपघात होतात. मोठ्या अपघातानंतरही या ठिकाषी अपघात प्रतिबंधासाठी उपाययोजना करण्यात आलेल्या नाहीत. यामुळे आश्‍चर्य व्यक्त होत आहे. रविवारच्या घटनेने येथील अपघातप्रवण स्थळाच्या प्रश्‍नाला अधोरेखित केले आहे. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
