शेगाव - गर्भवती महिलेवर चुकीचा उपचार केल्याप्रकरणी शेगाव पोलिस स्टेशनमध्ये डॉ. प्रवीण नागरगोजे व खामगाव येथील डॉ.गणेश महाले यांच्या विरुद्ध शेगाव पोलिसांनी २३ मे रोजी विविध कलमान्वये न्यायालयाच्या आदेशाने गुन्हा दाखल केला.
प्रवीण नागरगोजे (वय ४२) रा. खामगाव रोड जगदंबा चौक शेगाव यांच्याकडे उपचार घेतला व त्यांच्या सल्ल्यानुसार पुढील उपचार खामगाव येथील डॉ. गणेश महाले यांच्याकडे केला. असे असताना २९ जुलै २०२२ रोजी शीतल ढोले यांनी डॉ. प्रवीण नागरगोजे यांचेकडे एका मुलीला जन्म दिला. त्यानंतर त्या मुलीचा अकोला व मुंबई येथील बालरोगतज्ञांकडे उपचार केला असता तेथील डॉक्टरांनी तिची हार्टसर्जरी व गर्भवतीवर इतर उपचार घेण्याचा सल्ला दिला.
त्यावरुन डॉ. प्रवीण नागरगोजे व डॉ. गणेश महाले यांनी सदर महिला गर्भवती असताना त्यांचा चुकीचा उपचार केल्यामुळे त्या महिलेला ७ ते ८ लाख रुपये खर्च सोसावा लागला असून, भविष्यात सुद्धा खर्च लागणार असल्याचे सांगितले.
याबाबत शीतल ढोले यांनी यांनी साक्षीदार डॉ. अतुल राजपूत यांच्याकडे उपचार केला असता डॉ. नागरगोजे व गणेश महाले या दोघांनी त्या महिलेच्या उपचाराची गंभीरतेने दखल घेतली नसल्याचे स्पष्ट झाल्याने ॲड. नीलेश ढोले यांच्याद्वारे विद्यमान न्यायालयात दाखल केलेल्या तक्रारीहून २३ मे रोजी न्यायालयाच्या आदेशाने उपरोक्त दोन्ही डॉक्टरांविरुद्ध शेगाव पोलिस स्टेशनला गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
