सबस्क्राईब करा
Nagpur News: माजी गृहमंत्री अनिल देशमुख आणि उपमुख्यमंत्री देवेंद्र फडणवीस यांच्यामध्ये आरोप-प्रत्यारोप सुरु आहेत. त्यातच नागपूरमध्ये काही बॅनर लागले आहेत. यावरून अनिल देशमुख यांनी देवेंद्र फडणवीस यांच्यावर निशाणा साधला आहे. त्यांनी सोशल मिडिया प्लॅटफॉर्म 'एक्स'वर पोस्ट करून टीका केली आहे.
धन्यवाद देवेंद्र फडणवीसजी! महाराष्ट्रात तुम्ही किती घाणेरडे व खालच्या थराचे राजकारण करत आहात, याचा नवीन अंक आज नागपूरच्या जनतेला पुन्हा एकदा तुमच्या कडून पाहायला मिळाला. लक्षात असू द्या...जनता जनार्दन हैं!, असं अनिल देशमुख म्हणाले आहेत.
भारतीय जनता पक्ष युवा मोर्चाकडून नागपूरमध्ये काही बॅनर लावण्यात आले आहेत. यामध्ये देवेंद्र फडणवीसांचा फोटो आहे, त्यांच्या बाजूला अनिल देशमुख यांना तुरुंगात दाखवण्यात आलं आहे. बॅनरवर 'विकास वृत्ती, वसुली बुद्धी' असा मजकूर लिहिण्यात आला आहे. हे पोस्टर अनिल अनदेशमुख यांच्या जिव्हारी लागल्याचं दिसत आहे.
अनिल देशमुख यांनी देवेंद्र फडणवीस यांच्यावर गंभीर आरोप केले होते. त्यांना ईडीच्या कारवाईपासून वाचण्यासाठी ऑफर देण्यात आली होती, असं ते म्हणाले होते. हे सर्व आरोप देवेंद्र फडणवीसांनी फेटाळले आहेत. मात्र, तुरुंगात असलेला निलंबित पोलीस अधिकारी सचिन वाझे याने अनिल देशमुख यांच्यावर आरोप केला आहे. त्यामुळे याला आणखी हवा मिळाली आहे. विधानसभा निवडणुकीच्या तोंडावर हा मुद्दा गाजण्याची शक्यता आहे.
परमवीर सिंहांनी अनिल देशमुखांवर आरोप केले आहेत. अनिल देशमुख यांचे आरोप कपोलकल्पीत आहेत. मी याविषयी जास्त बोलत नाही. कारण, दररोज कोणी यावर बोलत असेल तर त्याला उत्तर देऊन मला त्यांच्या पातळीला जायचं नाही. चांदिवाल आयोगाचा अहवाल महाविकास आघाडीच्या काळातच आला आहे. त्याच्यावर कारवाई झाली नाही, असं देवेंद्र फडणवीस म्हणाले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
