टेकाडी (जि. नागपूर) : ग्रामीण भागात वाढत कोरोनाचा उद्रेक बघता शहरांसह ग्रामीण भागात बाधित रुग्णासोबत मृतांची संख्या देखील वाढू लागलेली आहे. कोरोना बाधित मृत्यू असो अथवा इतर कुठल्या आजाराने झालेला मृत्यू असो ग्रामस्थ कुठलाही मृतदेह जास्त काळ न ठेवता तात्काळ त्याच्या अंत्यविधी संसर्गाचा भीती पोटी करावा लागत आहे. मात्र समशान घाटावरच गैरसोय असेल तर स्थानीय ग्रामपंचायत प्रशासन आणि पुढारी करतात काय हा सवाल स्थानिकांनी व्यक्त करायला सुरुवात केलेली आहे.
गेल्या काही दिवसांपासून गावात मृतांची संख्या वाढतीवर आहे.ज्यात कोरोना बाधित किंवा इतर आजाराने झालेल्या मृतांचा देखील समावेश आहे,कोरोना बाधितांचा मृतदेहाचा अंत्यविधी केल्यानंतर दुसऱ्या एखाद्या मृतदेहाचा अंतसंस्कार करताना ग्रामस्थांची चांगलीच तारांबळ उडत असते.
सध्या गावात मृत्यू झाल्यास कोरोना संसर्गाच्या भीती पोटी कुणीही अधिक वेळ न लावता तात्काळ मृतदेहावर अंत्यविधी करतात मग रात्री उशिरा का होईना. मात्र समशान भूमीत विजेची आणि पाण्याची सोय नसल्याने ग्रामस्थाना अनेक समस्येला सामोरे जावे लागते. गावातील युवकांनी अनेकदा ग्राम पंचायत प्रशासनाला सदर समस्येबाबद अवगत केले असले तरी कुणीही सदरच्या समस्येकडे लक्ष देत नसून समशान भूमीतून साहित्य चोरी जाईल असे कारण पुढे करून वेळ मारून नेतात.
अंतीमविधीकरता लागणारे पाणी स्थानिकांना सोबत आणावे लागते.काही `वर्षांआधी एकदा नळजोडणी करण्यात आली मात्र ती फुटल्यानंतर परत प्रशासनाने त्याकडे लक्ष दिले नसल्याने नेमके प्रशासनाचे लक्ष कुठे आहे असा संतप्त सवाल स्थानिकांनी विचारायला सुरवात केलेली आहे.अश्यात वाढता कोरोनचा उद्रेक बघता समशान भूमीत हातपंप आणि हायमास्ट लाईट लावण्याची मागणी जोर धरू लागली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.