![Well](http://media.assettype.com/esakal%2F2022-08%2F95da892a-5de6-4366-bdf5-b3e4f79b78ef%2Fwell.jpg?rect=0%2C0%2C1200%2C675&w=480&auto=format%2Ccompress&fit=max)
नागपूर - संकटात सापडलेल्या चिमुकल्यासाठी एक आशाताई ‘रखुमाई’बनून धावल्या आणि स्वतःच्या जिवाची पर्वा न करता चिमुकल्याचे प्राण वाचविले.
रुख्मिणी पटले असे या आशा वर्करचे नाव आहे. रोजच्या लगबगीत, पावसाळयात नियमित कामापेक्षा अधिक काम असताना थकून त्या दोन घास खाण्यासाठी बसल्या. तोच धप असा आवाज त्यांच्या कानी पडला आणि वाचवा.. वाचवा.. म्हणून एक आई ओरडत होती. जेवणाचे ताट बाजूला करून रुख्मिणी आवाजाच्या दिशेने धावल्या.
एक लहान मुलगा ६२ फूट खोल विहिरीत पडल्याचे त्यांना दिसले. क्षणाचाही विचार न करता रुख्मिणी यांनी बाळाला वाचविण्यासाठी विहिरीत उडी टाकली. पोहता येत नसतानाही त्यांनी हे धाडस केले. स्वतःला सावरत एका हातात बाळाला धरून विहरीच्या कोपऱ्याचा आधार घेतला.
वर जमलेल्या गर्दीने दोरी व इतर साधनाच्या मदतीने त्यांना बाहेर काढले. बाहेर काढताच पुन्हा त्यांनी बाळाला पालथे करून पोटात गेलेले पाणी काढून श्वसन मार्ग देखील मोकळा करून दिला आणि बाळाचे प्राण वाचविले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.