नागपूर : उपराजधानीतील आंतरराष्ट्रीय गिर्यारोहक सागर चंद्रकिशोर कुंभारे याने आंतरराष्ट्रीय योग दिनाच्या मुहूर्तावर हिमाचल प्रदेशातील माऊंट फ्रेंडशिप पिक हे १७,३४८ फुट उंचीचे शिखर सर करण्याचा पराक्रम केला.
आयएमएफ इंडियन माउंटेनिअरिंग फाउंडेशनतर्फे १६ ते २३ जूनदरम्यान आयोजित या साहसी मोहिमेच्या चढाईला २० जूनला रात्री साडेदहा वाजता सुरुवात झाली व दुसऱ्या दिवशी पावणे नऊ वाजता त्यांनी शिखर सर केले. या अभियानासाठी सागरसह महाराष्ट्रातील एकूण १४ गिर्यारोहकांची निवड झाली होती. त्यातील सहा गिर्यारोहकांनी यश मिळविले. यात विदर्भातील सागर कुंभारे (नागपूर), प्रवीण शेळके (अंजनगाव), आदर्श मास्ते (चंद्रपूर) व अतीश चारोडे (वर्धा) या चौघांचा समावेश आहे. प्रतिकूल वातावरणामुळे अन्य गिर्यारोहकांना माघार घ्यावी लागली.
यावेळी आंतरराष्ट्रीय योग दिनाचे निमित्त साधून या गिर्यारोहकांनी उणे २५ डिग्री तापमानात योग व प्राणायम केले. तरुणांमध्ये योग व व्यायामाबद्दल जनजागृती करणे, हा या मोहिमेचा मुख्य उद्देश होता, असे इंडिया बुक ऑफ रेकॉर्ड्सची मान्यता प्राप्त सागरने सांगितले. मोहिमेपूर्वी केंद्रीय मंत्री नितीन गडकरी, कमांडर अंकित बत्रा व अन्य मान्यवरांनी त्यांना शुभेच्छा दिल्या होत्या. सागरने याआधी २१ हजार फूट उंचीच्या माऊंटब्लॅकसह माऊंटअबू, पातालसू, किलीमंजारो, माऊंट युनाम इत्यादी शिखरे सर केली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.