![Satyapal Maharaj](http://media.assettype.com/esakal%2F2024-05%2F363c6740-86da-44ea-a6a0-e499843b33e5%2FEsakal_Rushikesh__30_.jpg?w=480&auto=format%2Ccompress&fit=max)
अमरावती : सुप्रसिद्ध सप्तखंजरीवादक प्रबोधनकार सत्यपाल महाराज यांचा १६ मे हा जन्मदिवस दरवर्षीप्रमाणे यावर्षी सुद्धा "प्रबोधन दिन" म्हणून मोठ्या उत्साहात सर्वत्र साजरा होणार आहे. यानिमित्ताने महाराजांचे अनुयायी रामपाल महाराज यांच्या शेंदुर्जना खुर्द या गावी भव्य कार्यक्रमाचे आयोजन करण्यात आले असून महाराष्ट्रातील नामवंत मंडळी या प्रबोधन दिनी उपस्थित राहणार आहे.
महाराजांच्या नावाने दिला जाणारा "समाजप्रबोधन पुरस्कार" यावर्षी सुप्रसिद्ध विचारवंत व इतिहासाचार्य प्रा.मा.म. देशमुख यांना जाहीर करण्यात आला आहे. या कार्यक्रमाचे अध्यक्षस्थानी राष्ट्रधर्म प्रचार समितीचे संस्थापक आचार्य हरिभाऊ वेरुळकर, उद्घाटक म्हणून सत्यशोधक विचारवंत डॉ.सय्यद साहेब अहमदनगर, मुख्य सत्कारमूर्ती सत्यपाल महाराज, प्रमुख उपस्थिती म्हणून राजगड आदर्श गाव प्रणेते चंदू पाटील मारकवार, राष्ट्रसंत विचार प्रचारक ज्ञानेश्वर रक्षक, मराठा सेवा संघाचे महासचिव मधुकर मेहकरे, जिजाऊ ब्रिगेडच्या प्रदेशाध्यक्ष सीमा बोके, गाडगे बाबा अभ्यासक संतोष अरसोड, ग.मा पिंजरकर, भदंत धम्मसेन, नितीन सरदार, तसेच महाराष्ट्रातील सर्व सप्तखंजरी वादक व प्रबोधन क्षेत्रातील अनेक मान्यवर मंडळी उपस्थित राहणार आहे.
महाराजांच्या नावाने दिला जाणारा "समाजप्रबोधन पुरस्कार" यावर्षी सुप्रसिद्ध विचारवंत व इतिहासाचार्य प्रा.मा.म. देशमुख यांना जाहीर करण्यात आला आहे. यापूर्वी हा पुरस्कार आदर्श गाव प्रणेते पोपटराव पवार आणि भास्करराव पेरे पाटील यांना देण्यात आलेला आहे.
प्रबोधन अभ्यासिकेचे उद्घाटन
कार्यक्रम १६ मे रोजी दुपारी ४ ते रात्री १० या वेळात होणार आहे. त्याचबरोबर दुपारी ४ वाजता प्रेमकुमार बोके यांच्या अध्यक्षतेखाली गुरुदेव सेवा मंडळाच्या कार्यकर्त्यांचा कार्यकर्ता मेळावा आयोजित करण्यात आला आहे. सायंकाळी पाच वाजता प्रबोधन अभ्यासिकेचे उद्घाटन आणि प्रबोधन अभ्यासिकेमध्ये खास करून स्पर्धा परीक्षा पुस्तकांचा समावेश केलेला आहे.
सायंकाळी ७ वाजता सामुदायिक प्रार्थना आणि त्यानंतर ७-३० वाजता मुख्य कार्यक्रमाला सुरवात होणार आहे. ८ वाजता प्रबोधन पुरस्कार सोहळा व त्यानंतर प्रमुख पाहुण्यांचे मनोगत आणि शेवटी सत्यपाल महाराजांच्या कीर्तनाने कार्यक्रमाची सांगता होईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.