नागपूर : खासदार सांस्कृतिक’ महोत्सवातील शेवटचे दोन कार्यक्रम कोरोनामुळे स्थगित करण्यात आले होते. आता कोविडचे सावट पसरल्याने दुसऱ्या टप्प्यातील कार्यक्रमासह महोत्सवाचा दुसरा टप्पा १९ ते २४ मार्च दरम्यान साजरा करण्यात येईल, असे माहिती महापौर दयाशंकर तिवारी यांनी दिली. केंद्रीय मंत्री खासदार नितीन गडकरी यांच्या इच्छेनुसार हा महोत्सव होणार आहे.
ईश्वर देशमुख कॉलेज ग्राउंडमध्ये गुरुवारी खासदार सांस्कृतिक महोत्सव समितीच्या कार्यालयाचे उद्घाटन महापौर दयाशंकर तिवारी यांच्या हस्ते करण्यात आले. दुसऱ्या टप्प्यात या दोन मोठ्या कलावंतांसह सुनिधी चव्हाण, जावेद अली, साईराम अय्यर यांच्यासारखे मोठे गायक, सुरेंद्र शर्मा यांच्यासह इतर लोकप्रिय व्यंग कवी सहभागी होणार आहे.तसेच आयोजन स्थळाचे भूमिपूजनदेखील मान्यवरांच्या हस्ते करण्यात आले.
याप्रसंगी आयोजन समितीचे अध्यक्ष प्रा. अनिल सोले, उपाध्यक्ष डॉ. गौरीशंकर पाराशर, अशोक मानकर, दिलीप जाधव, कोषाध्यक्ष प्रा. राजेश बागडी, सदस्य बाळ कुळकर्णी, संदीप गवई, संजय गुळकरी, रेणुका देशकर, आशिष वांदिले, भोलानाथ सहारे, किशोर पाटील, सुनिल मित्रा यांची प्रमुख उपस्थिती होती. प्रास्ताविकातून प्रा. राजेश बांगडी यांनी महोत्सवाचा आढावा घेतला. कार्यक्रमाचे सूत्रसंचालन देवेंद्र दस्तुरे यांनी केले.
महोत्सवाच्या पहिल्या टप्प्यात गायक व संगीतकार शंकर महादेवन व अभिनेत्री नृत्यांगना हेमामालिनी यांचा कार्यक्रम सरकारी निर्बंधामुळे होऊ शकला नव्हता. त्यामुळे तरुणाईमध्ये नाराजी होती.
-प्रा. अनिल सोले, अध्यक्ष, आयोजन समिती, खासदार सांस्कृतिक महोत्सव.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.