गडचिरोली : येथील स्नेहनगरमधील रहिवासी असलेल्या आस्था दिलीप बारसागडे हिची आंतरराष्ट्रीय समुदाय विकास पदविकेच्या अभ्यासक्रमासाठी फिलिपिन्स येथील एशियन सोशल इन्स्टिट्यूट येथे निवड झाली आहे.
आस्था बारसागडे हिला या अभ्यासक्रमासाठी जपान एशियन असोसिएशन अॅण्ड एशियन फ्रेन्डशिप सोसायटी या जपान येथील संस्थेने शिष्यवृत्ती दिली आहे. फिलिपिन्सची राजधानी असलेल्या मनिला येथील एशियन सोशल इन्स्टिट्यूट ही संस्था समाजकार्य विषयाच्या सूक्ष्म व सखोल अभ्यासक्रमासाठी प्रसिद्ध आहे.
आस्था बारसागडे हिने समाजकार्य या विषयात राष्ट्रसंत तुकडोजी महाराज विद्यापीठ नागपूर येथून समाजकार्याची पदवी घेतली असून विद्यापीठाच्या गुणवत्ता यादीत स्थान मिळवले होते. आस्था बारसागडे अभ्यासक्रमासाठी फिलिपिन्स येथे रवाना झाली असून या निवडीबद्दल डॉ. दिलीप बारसागडे, किरण कांबळे, माधुरी वाळके, वैभव सोनटक्के, लुकेश सोमनकर, अरविंद रॉय, मंगल मंडल, लीना बाळेकरमकर, साक्षी ठमके, खुशाल ठाकरे, सूरज दुदी आदींनी तिचे अभिनंदन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.