देवलापार/ झिंझेरिया : पवनी वनपरिक्षेत्रांतर्गत लाखापूर शिवारात गुराख्यावर हल्ला करून वाघाने एक किलोमिटर फरफटत नेले. यात जखमी झालेल्या राजकुमार दशरथ खंडाते (वय ५२, खनोरा) यांचा उपचारादरम्यान मृत्यू झाला. ही घटना रविवारी दुपारी चारच्या सुमारास उघडकीस आली.
खनोरा येथील राजकुमार खंडाते व काही गुराखी गुरे घेऊन पवनी वनविभाग बेलदा बीट कक्ष क्र.७५० मध्ये गेले होते. राजकुमार गुरांना पाणी पाजण्याकरिता गेले होते. तेव्हा बसले असता दबा धरून बसलेल्या वाघाने त्यांच्यावर हल्ला चढविला व त्यांना फरफटत नेले. हे पाहून इतर सहकारी पळू लागले.
त्यांच्या पत्नीला हे दिसताच तिने आरडाओरड केली. इतर गुराखी धावल्याने वाघाने राजकुमारला सोडून पळ काढला. इतर गुराख्यांनी ही माहिती खनोरा गावात व वनविभागासह पोलिसांना दिली. लगेच गावकऱ्यांनी धाव घेतली. या घटनेने तणाव निर्माण झाला. पवनीचे प्रभारी वनपरिक्षेत्र अधिकारी ऋषिकेश पाटील व देवलापारचे ठाणेदार नारायण तुरकुंडे यांनी घटनास्थळ गाठले.
वनविभाग व पोलिस यांनी पंचनामा करून मृतदेह उत्तरीय तपासाकरिता देवलापार येथे नेत असताना ग्रामस्थांनी वाघाला जेरबंद करण्याची मागणी लावून धरली. शनिवारी (ता.५) दुपारी याच वाघाने दामजी भलावी (रा.लाखापूर) बैलावर हल्ला केला. नंतर मालक व शेतकरी यांच्यावर हल्ला केला. ही माहिती देऊनही वन अधिकारी व कर्मचारी आले नव्हते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.