Nagpur-Amravati Accident: अमरावती- नागपूर महामार्गावर एसटी महामंडळाच्या शिवशाही बसचा भीषण अपघात झाला आहे. या अपघातात एका प्रवाशाचा मृत्यू झालाय, तर २८ प्रवासी जखमी झाले आहेत. मिळालेल्या माहितीनुसार, गायीला वाचवण्याच्या प्रयत्नात बस पलटी झाली आहे. 'साम टीव्ही'ने यासंदर्भात वृत्त दिलं आहे.
माहितीनुसार, बस नागपूरवरून अकोल्याला निघाली होती. यावेळी अचानक एक गाय समोर आली. यावेळी गायीला वाचवताना शिवशाही उलटली आहे. यामध्ये २८ प्रवासी जखमी झाले आहेत. त्यांना जवळच्या हॉस्पिटलमध्ये उपचारासाठी दाखल करण्यात आले आहे. एकाचा जागीच मृत्यू झाला आहे.
