नागपूर : वंध्यत्वामुळे संततीसुखाला पारखे झालेल्या जोडप्यांसाठी २६ वर्षांपूर्वी नागपुरात १९९७ मध्ये उभारलेले ‘टेस्ट ट्यूब बेबी’ केंद्र वरदान ठरले. विदर्भातील या पहिल्या केंद्रात ९ सप्टेंबर १९९७ रोजी पहिल्या ‘टेस्ट ट्यूब बेबी’चा जन्म झाला. तेव्हाचे हे बाळ आता २६ वर्षांचे झाले असून इंजीनिअर बनले आहे.
उपराजधानीत डॉ. नटचंद्र चिमोटे यांचे पहिले टेस्ट ट्यूब बेबी सेंटर १९९७ मध्ये सुरू झाले. सध्या विदर्भात सुमारे ५० आयव्हीएफ सेंटर आहेत. दहा टक्के बाळांचा जन्म याद्वारे होत आहे. यातून विदर्भात आतापर्यंत सात ते आठ हजार जोडप्यांना संततीसुख मिळाले.
पूर्वी या प्रक्रियेसाठी लागणारा खर्च पेलवणारा नव्हता, परंतु तंत्रज्ञानाच्या विकासामुळे ही पद्धत अधिक सुलभ झाली. गरिबांच्या आवाक्‍यात ही उपचारपद्धती आली आहे. अनेक दांपत्यांनी आयव्हीएफ तंत्राचा पर्याय स्वीकारला आहे.
वर्षभरात ५ हजार बाळांचा जन्म उपराजधानीत वर्षभरात सामान्यरित्या एकूण बाळ जन्माला आलेल्यांची संख्या ५० हजार असून आयव्हीएफद्वारे वर्षाला जन्माला येणाऱ्यांसंख्या ५ हजार आहे.
आईच्या चेहऱ्यावरील समाधान अनमोल
स्त्री घरात साऱ्यांची काळजी घेते. म्हणून आपण आनंदी असतो. मात्र संततीसुख मिळाले नाही तर कुटुंबासह समाजात लोकं टोमणे मारतात. अशावेळी आयव्हीएफच्या माध्यमातून आई होण्याचे तिचे स्वप्न पूर्ण करण्यात यश आल्यानंतर ती माता कुशीत बाळ घेऊन घरी निघते, त्यावेळी तिच्या चेहऱ्यावरील समाधानाला मोल नसते. ते समाधान २६ वर्षांपासून आम्ही अनुभवतोय, असे डॅ. चिमोटे म्हणाले.
आधी मूल होण्यासाठी दाम्पत्य हे साधू, बैरागी यांच्याकडून अघोरी उपचार करून घेत होते. मुल होण्यासाठी वैद्यकीय उपचार उपयोगी पडतात. यामुळे भोंदू समजुतीपासून दूर राहावे. पोटात वाढणारा गर्भ मुलगा की मुलगी हे, स्त्री पुरुष बीज एकत्र येत असतानाच ठरते. हे लिंग कोणीही आणि कोणत्याही उपायाने बदलू शकत नाही. गावखेड्यापर्यंत हे तंत्रज्ञान पोहोचले आहे.
- डॉ. नटचंद्र चिमोटे, आयव्हीएफ तज्ज्ञ, नागपूर.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.