कुही (जि. नागपूर) : तालुक्यातील चिकणा ग्रामपंचायतीचे उपसरपंच तुळशीदास कळंबे हे शासकीय वैद्यकीय रुग्णालय नागपूर येथे कोरोनावर औषधोपचार कोविड वार्ड क्र.४९ उपचार घेत आहेत. या वार्डात कुलर व पंखे बंद असून दार उघडे ठेवले तर तेथील वाचमन रुग्णांना दमदाटी करीत असल्याची तक्रार कळंबे यांनी केली आहे.
या वार्डात सर्वच रुग्णांना हा त्रास होत आहे. शासन व प्रशासनातील पदाधिकारी व अधिकारी सर्व ‘ऑल इज वेल’ असल्याच्या बाता करतात. मात्र प्रत्यक्ष भरती झालेल्या रुग्णांची कशी हेळसांड होते, याचे ज्वलंत उदाहरण ऊपसरपंच तुळशीदास कळंबे यांनी समोर आणले आहे.
आता कडाक्याचे उन्ह आहे, अशा परीस्थीतीत चांगल्या व्यक्तीचा जीव उन्हामुळे कासावीस होतो, तर कोविड वार्ड क्र.४९मध्ये उपचार घेणाऱ्या रुग्णांचे कसे हाल होत असतील, याचा अंदाज आपण लाऊ शकतो. कुही तालुक्यातील कोरोनाचे रुग्ण शासकीय मेडीकल व मेयो कॉलेज व रुग्णालयात उपचार घेत आहेत.
त्यांना काही अडचणी भासत असतील तर आमदार राजू पारवे, तहसीलदार, गटविकास अधिकारी, तालुका आरोग्य अधिकारी तसेच जि.प.सदस्य यांनी मदत करावी, अशी विनंती चिकणा ग्रामपंचायतीचे उपसरपंच व सध्या उपचार घेत असलेले तुळशीदास कळंबे यांनी केली आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
