नागपूर : सैनिक पती ड्युटीवर जाताच विरहात पत्नीने गळफास लावून आत्महत्या (women committed suicide) केली. ही दुर्दैवी घटना सीआरपीएफ कॅम्प शिवनगाव येथे उघडकीस आली. पूनम राजकुमार डगवार (३१) असे आत्महत्या केलेल्या विवाहितेचे नाव आहे.
पोलिसांनी दिलेल्या माहितीनुसार, राजकुमार डगवार हे सीआरपीएफमध्ये झारखंड राज्यात कर्तव्यावर आहेत. त्यामुळे पत्नी पूनम ही दोन मुलांसह शिवनगावातील सीआरपीएफ क्वॉर्टरमध्ये राहत होती. पती राजकुमार हे गेल्या आठवड्यात सुटीवर नागपुरात आले होते. त्यांनी पत्नी आणि मुलांसह सासुरवाडीत मुक्काम केला. राजकुमार दोन दिवसांपूर्वी झारखंडला ड्युटीवर निघून गेले.
तेव्हापासून पूनम तणावात होती. बुधवारी ती दोन्ही मुलांना घेऊन क्वॉर्टरवर निघून गेली. मात्र, माहेरच्यांना तिच्या वागण्यावर शंका आल्याने ते तिच्या मागेच घरी पोहोचले. परंतु, पूनमने दुपारी अडीच वाजता घरात सिलिंग फॅनला गळफास लावून आत्महत्या केली. याप्रकरणी सोनेगाव पोलिसांनी आकस्मिक मृत्यूची नोंद केली. पुढील तपास पोलिस करीत आहे.
मोबाईलवरील चॅटिंगने घेतला जीव
काही दिवसांपासून पूनम ही कुणाशीतरी मोबाईलवर चॅटिंग करीत होती. त्यामुळे तिला पतीने (Disputes over mobile chatting) हटकले. तिच्या आई-वडिलांनीही तिला मोबाईलवर चॅटिंग न करण्याबाबत सुनावले होते. अपमानीत झाल्यासारखे वाटल्यामुळे पूनमने आत्महत्येसारखे टोकाचे पाऊल उचलल्याची माहिती (women committed suicide) सोनेगाव पोलिसांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
