नागपूर : नासुप्रच्या जागा महापालिकेला हस्तांतरित करण्याची प्रक्रिया सुरू झाली असून स्मार्ट सिटी प्रकल्पाची 1730 एकर जागा महापालिकेला हस्तांतरित करण्याच्या प्रक्रियेवर आज विश्वस्त मंडळाच्या बैठकीत शिक्कामोर्तब झाले. त्यामुळे स्मार्ट सिटी प्रकल्पासाठी आता नासुप्रऐवजी महापालिका नियोजन प्राधिकरण राहणार आहे. याशिवाय देशपांडे ले-आउट येथील स्वातंत्र्य सुवर्ण जयंती उद्यान, पारडी येथील लता मंगेशकर उद्यान महानगरपालिकेला हस्तांतरित करण्याचा निर्णय घेण्यात आला.
केंद्र शासनामार्फत पूर्व नागपुरातील भरतवाडा, पुनापूर, भांडेवाडी, पारडी येथील 1730 एकर परिसरात स्मार्ट सिटी प्रकल्प राबविण्यात येत आहे. यातील बहुतांश भागाचे नियोजन प्राधिकरण नागपूर सुधार प्रन्यास आहे. मात्र, आता यापुढे स्मार्ट सिटी अभियानाच्या अंमलबजावणीसाठी महापालिका नियोजन प्राधिकरण राहील. नासुप्र विश्वस्त मंडळाच्या सोमवारी झालेल्या बैठकीत यावर शिक्कामोर्तब करण्यात आले. या बैठकीत नासुप्रच्या सभापती शीतल उगले, मनपा आयुक्त अभिजित बांगर, मनपाचे स्थायी समिती सभापती प्रदीप पोहाणे, नगरसेवक भूषण शिंगणे, नासुप्रचे अधीक्षक अभियंता सुनील गुज्जलवार, नगररचना उपसंचालक राजेंद्र लांडे, भांडारकर, गीते उपस्थित होत्या. यावेळी पोहाणे यांनी देशपांडे ले-आउट येथील स्वातंत्र्य सुवर्ण जयंती उद्यान, मौजा पारडी येथील लता मंगेशकर उद्यान नागपूर महानगरपालिकेला हस्तांतरित करण्यासंदर्भात मुद्दा उपस्थित केला. बगडगंज उद्यानाचे नवीनीकरण मनपातर्फे करण्यात आलेले आहे. त्याच धर्तीवर स्वातंत्र्य सुवर्ण जयंती उद्यान, लता मंगेशकर संगीत उद्यान आणि देशपांडे ले-आउट उद्यानाचे नवीनीकरण करण्यासाठी तसेच देखभाल दुरुस्तीसाठी महानगरपालिकेला हस्तांतरित करण्यात यावे, अशी सूचना केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.