.jpg?w=480&auto=format%2Ccompress&fit=max)
गडचिरोली : गडचिरोली जिल्ह्यातील दोन बालकांच्या दुर्दैवी मृत्यूनंतर जनसामान्यात असलेल्या अंधश्रद्धा व तातडीच्या वैद्यकीय उपचाराविषयीची अनास्था प्रकर्षाने जाणवल्याने याबाबत जनजागृतीकरिता अहेरीचे अपर जिल्हाधिकारी विजय भाकरे यांनी जिल्हा प्रशासनामार्फत अभिनव लोकजागर मोहीम राबवून जिमलगट्टा परीसरातील नागरिकांना अंधश्रद्धा निर्मूलनाची व प्राधान्याने वैद्यकीय उपचार घेण्याची शपथ दिली.
नक्षलग्रस्त व अतिदुर्गम भागात असलेल्या येर्रागड्डा येथे प्रत्यक्ष जाऊन मृत्यू झालेल्या मुलांच्या आई-वडिलांची भेट घेऊन त्यांचे सांत्वन केले. घडलेल्या दुर्दैवी घटनेविषयी चौकशी करून दुःख ओढवलेल्या दाम्पत्याच्या उपस्थितीत गावकऱ्यांसोबत संवाद साधत अंधश्रद्धा निर्मूलनासाठी माडिया व तेलगू भाषेत शपथ घेण्यात आली.