Shegaon: मनसे अध्यक्ष राज ठाकरेंनी घेतले 'श्रीं'चे दर्शन, विधानसभा निवडणूकीच्या अनुषंगाने दौरा!

Latest Buldhana News: आगामी विधानसभा निवडणूक च्या तयारीत सर्वच पक्षाच्या नेत्यांचे दौरे सुरू झाले आहेत. या निमित्ताने महाराष्ट्र नवनिर्माण सेनेचे संस्थापक अध्यक्ष राज ठाकरे शेगाव (बुलढाणा) येथे 25 आगष्ट चे सायंकाळी दाखल झाले आहेत.

निवडणूक च्या पार्श्वभूमीवर पदाधिकारी आणि कार्यकर्त्या सोबत संवाद साधण्यासाठी रात्री सभेचेही आयोजन करण्यात आले आहे .

त्यातून उमेदवारी बाबत चाचपणी होण्याची शक्यता वर्तविली जात आहे. शेगाव येथे येताच त्यांनी सभे पूर्वी संध्याकाळी सव्वा पाच वाजे दरम्यान शेगाव येथे येऊन श्री संत गजानन महाराज यांचे समाधी दर्शन घेतले. यावेळी श्री संस्थानचे व्यवस्थापकीय विश्वस्त व मनसेचे पदाधिकारी मोठ्या संख्येने उपस्थित होते श्री संस्थान कडून राज ठाकरे यांचा यथोचित सन्मान करण्यात आला.

दर्शना नंतर संतनगरी येथे आयोजित बुलढाणा जिल्हा मेळाव्याचे कार्यक्रमासाठी संबोधित करणार आहेत. राज ठाकरे यांनी मंदिरात उपस्थित हजारो भावीक भक्तांना हात जोडून नम्रपणे अभिवादनही केले.मंदिराचे व्यवस्थापन आणि शिस्त पाहून कौतुक केले.