ओबीसी आरक्षणासाठी ‘रासप’चा रास्तारोको; संविधान चौकात आंदोलन

यवतमाळ : देशातील व राज्यातील सत्ताधाऱ्यांच्या बेबनावामुळे ओबीसी प्रवर्गातील राजकीय आरक्षण (OBC reservation canceled) रद्द झालेले आहे. हा बहुजन समाजावर झालेला अन्याय आहे. म्हणून याविरोधात राष्ट्रीय समाज पक्षातर्फे रविवारी (ता. चार) संविधान चौकात आंदोलन (Movement by Rashtriya Samaj Party) केले. ओबीसी समाजाचे आरक्षण कायम राहावे, या मागणीसाठी राष्ट्रीय समाज पक्षाने आंदोलन पुकारले आहे. (RSPs-Rastaroko-for-OBC-reservation-in-yavatmal-district)

ओबीसी वर्गाच्या आरक्षणासंबंधी कायदेशीर कारवाई पूर्ण करण्यात यावी, ओबीसी समाजाचे आरक्षण अबाधित राखावे आदी मागण्या राष्ट्रीय समाज पक्षाच्या आहेत. राज्य शासनाने आरक्षणासंदर्भात योग्य निर्णय न घेतल्यास तीव्र आंदोलन करण्याचा इशारादेखील संघटनेने दिला आहे. आंदोलनानंतर आपल्या विविध मागण्यांचे निवेदन जिल्हाधिकार्‍यांना देण्यात आले.

यावेळी चेतन आगलावे, अमोल डफाळ, राजेश गोळे, नासीर खान, प्रदीप कोरी, प्रशांत नखाते, अंकुश मस्के, समीर शाह, अब्दुल तौकीर, जुबेर खान, नयन राऊत, अक्षय गोफणे, नीलिमा पाटील, संजय पाटील, मोहम्मद जाकीर, शहबाज शेख, नितीन बैतुले, रवींद्र सपकाळ, धीरज फुन्ने आदी उपस्थित होते.

(RSPs-Rastaroko-for-OBC-reservation-in-yavatmal-district)