यवतमाळ : तरुणासोबत प्रेमसंबंध असल्याची बाब कुटुंबीयांना माहिती पडली. शिवाय लग्नाचे आमिष दाखवून तरुणाने शारीरिक संबंध ठेवून फसवणूक केली. त्यामुळे बदनामी होईन, या भीतीने तरुणीने विषारी औषध पिऊन करून आत्महत्या केली. ही घटना भारी येथे घडली.
पोलिसांनी दिलेल्या माहितीनुसार, गावातील एका महिलेने तुमच्या मुलीचा फोटो व्हॉट्‌सॲप स्टेट्‌सवर असून, तिच्या हातावर मुलाचे नाव दिसते, असे सांगितले. त्यामुळे दोन्ही कुटुंबांत वाद झाला. दीपक नावाच्या मुलासोबत प्रेमसंबंध आहेत. तुझ्या कुटुंबीयांची बदनामी करतो, अशी धमकी दिली. शिवाय तरुणाने लग्न करण्याचे आमिष दाखवून शारीरिक संबंध प्रस्थापित करून फसवूणक केली.
या घटनेमुळे अपमानीत झालेल्या तरुणीने पाण्यात विषारी औषध टाकून पिऊन घेतले. याप्रकरणी मृत तरुणीच्या पालकांनी यवतमाळ शहर पोलिस ठाण्यात तक्रार दिली. त्यावरून एक महिला, किसन निमजे (वय ५८), प्रफुल्ल निमजे (वय ३५) व दीपक ढेपे (सर्व रा. भारी) यांच्याविरुद्ध गुन्हा नोंदविण्यात आला असून, पुढील तपास पोलिस करीत आहेत.
देवानंद किसन काळे (वय ३०, रा. बिजोरा) व उत्तम पांडुरंग आढागळे (वय ३०, रा. कोठारी) अशी गळफास घेतलेल्या तरुणांची नावे आहेत. एका दिवसाच्या अंतराने या आत्महत्या झाल्या. देवानंद काळे याने घाणमुख जंगलातील एका झाडाला गळफास घेतला. तो विवाहित व घरातील कर्तापुरुष होता. त्याच्या पश्‍चात आईवडील, पत्नी, एक मुलगी आहे.
दुसऱ्या घटनेत, कोठारी येथील उत्तम पांडुरंग अढागळे याने राजुरा शिवारातील आपल्या शेतात झाडाला गळफास लावून जीवन संपविले. तो बारावीपर्यंत शिकून खासगी वायरमनचे काम करीत होता. तो आदिलाबाद येथे आधी कामे करायचा. लॉकडाऊनपासून तो गावी आला होता. दरम्यान, तालुक्‍यात मागील दीड महिन्यात दहा व्यक्तींनी आत्महत्या केल्याने हळहळ व्यक्त केली जात आहे.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.