जळगाव जामोद : स्वाभिमानीचे विदर्भ अध्यक्ष प्रशांत डिक्कर हे उपोषणाला बसले असताना मंडपातून मध्यरात्रीच्या सुमारास गायब झाल्याची धक्कादायक घटना घडली आहे. गेल्या ५ दिवसांपासून ते जळगाव जामोदमध्ये उपोषणाला बसले होते.रात्री अचानक ते उपोषण मंडपातून गायब झाल्याने प्रशासनाची धावपळ सुरू झाली असून परिसरात खळबळ उडाली आहे. त्यांच्या कार्यकर्त्यांनी जळगाव जामोद पोलिस स्टेशनमध्ये तक्रार दाखल केली आहे.
अधिक माहितीनुसार, स्वाभिमानी शेतकरी संघटनेचे विदर्भ अध्यक्ष प्रशांत डिक्कर हे या परिसरातील अतिवृष्टीग्रस्त शेतकऱ्यांना शासकीय मदत मिळाली नसल्याने ही मदत मिळण्यासाठी मागच्या पाच दिवसांपासून उपोषणाला बसले होते. दोन दिवसांपूर्वी प्रशासनाने उपोषण मंडपातील विद्युत पुरवठा खंडित केला होता. त्यानंतर ते आता गायब झाल्यामुळे त्यांच्या पत्नी वंदना डिक्कर यांना अश्रू अनावर झाल्या आहेत.
"परिसरातील अतिवृष्टीमुळे शेतकऱ्यांना मदत मिळण्यासाठी ते उपोषणाला बसले आहेत. मागच्या १५ वर्षांपासून ते शेतकऱ्यांसाठी काम करत आहेत. पण रात्री ४ वाजल्यापासून ते गायब आहेत. त्यामुळे मी आता पोलिस स्टेशनला जात आहे. दोन दिवसांपासून त्यांचा फोन लागलेला नाही. शेवटचा फोन केला होता त्यावेळी त्यांची तब्येत चांगली असल्याचं सांगितलं होतं." असं म्हणत त्या भावूक झाल्या होत्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
