मलकापूर - कुख्यात आरोपी शहरातील म्हाडा कॉलनीमध्ये येऊन शेजारी राहणाऱ्या लोकांना मारहाण करत असल्याची माहिती मिळाल्यावरून पोलिसांनी घटनास्थळी धाव घेतली. दरम्यान आरोपीने पोलिसांवर धावून जात तलवारीने वार करण्याचा प्रयत्न केला. यावेळी पोलिसांनी दोन राउंड हवेत तर एक गोळी आरोपीच्या दिशेने झाडल्याची घटना ता. ३१ ऑगस्ट रोजी रात्री ११ वाजताच्या सुमारास घडली. यावेळी अंधाराचा फायदा घेत आरोपी फरार होण्यात यशस्वी झाला.