बुलढाणा : आज पहाटे चार वाजेच्या सुमारास मुंबई नागपूर महामार्गावर मेहकर शहराजवळ असलेल्या गजानन महाराज मंदिरा जवळ एक अल्टो कार व लक्झरी बसचा समोरासमोर धडक झाल्याची घटना समोर आली आहे. या भीषण अपघातात कार मधील तीन जण जागीच ठार झालेत तर दोघे गंभीर जखमी झाले आहेत.
अपघातातील गंभीर जखमींना उपचारासाठी औरंगाबाद येथील रुग्णालयात हलविण्यात आलेआहे. अपघात इतका भीषण होता की धडक होताच कार ही लक्झरी बस मध्ये अडकली होती. त्यामुळे कारमधील जखमींना बाहेर काढण्यात अडचणी निर्माण झाल्याने तिघांचा जागेवरच मृत्यू झाला. मिळालेल्या माहितीनुसार कारमधील पाच जण हे जळगाव जिल्ह्यातील चाळीसगाव परिसरातील आहेत.
मृतकांची ओळख पटली असून सर्वजण चाळीसगाव येथील आहेत. इंदल चव्हान (वय 38), योगेश विसपुते (वय 32), विषाल विसपुते (वय 38) अशी त्यांची नावे आहेत. तर जखमी असलेले दोघांमध्ये ज्ञानेश्वर रघुनाथ चव्हाण (वय 32), मिथुन रमेश चव्हान (वय 17) या दोघांचा समावेश आहे , जखमींची गंभीर परिस्थिती असल्याने त्यांना औरंगाबाद येथील रुग्णालयात हलवण्यात आले आहे.
दरम्यान लक्झरी बस पुण्याहून नागपूर कडे जात होती, तर कार नागपूर कडून मेहकरकडे येत असताना भल्या पहाटे हा अपघात घडला, अपघातानंतर तात्काळ मेहकर पोलिसांनी घटनास्थळी धाव घेत मदत पोहोचविली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
