अंकीता जळीतकांड : शवविच्छेदन करणाऱ्या डॉक्टरांसह १६ जणांची साक्ष, पुढील सुनावणी २० मार्चला

हिंगणघाट (जि. वर्धा) : येथील अंकिता पिसुड्‌डे जळीतकांडात बुधवारी (ता. १७) दोन डॉक्‍टर, अंकिताच्या दोन विद्यार्थिनी आणि कबुली जबाबामधील एक पंच अशा पाच साक्षीदारांची साक्ष नोंदविण्यात आली. या प्रकरणाची सुनावणी आता २० मार्च रोजी होणार असल्याची माहिती विशेष सरकारी वकील उज्वल निकम यांनी दिली. या खटल्यात सरकारी पक्षातर्फे आतापर्यंत एकूण १६ साक्षीदारांची साक्ष नोंदविण्यात आली आहेत. 

हेही वाचा - दुसऱ्यांच्या जिवासाठी 'त्यांची' धडपड; संजय कुमार गुप्ता करताहेत जनजागृतीचं कौतुकास्पद...

नित्याप्रमाणे प्रकरणाचे कामकाज जिल्हा व अतिरिक्त सत्र न्यायालयाचे न्यायाधीश आर. एन. माजगावकर यांच्या न्यायालयात सुरू झाले. प्रारंभी अंकिताचे शवविच्छेदन करणारे नागपूर शासकीय महाविद्यालयाचे डॉ. ऋषिकेश पाठक यांची साक्ष झाली. त्यानंतर स्थानिक उपजिल्हा रुग्णालयाचे डॉ. सौरभ धोपटे, दारोडा गावावरून मृतक अंकितासोबत येणारी विद्यार्थिनी व आरोपीने लपविलेले साहित्य ज्यांच्या उपस्थितीत जप्त केले ते पंच योगेंद्र जगनाळे यांची साक्ष झाली. 

हेही वाचा - यवतमाळमध्ये पूजा अरुण राठोडचा गर्भपात; डॉक्टर आठ दिवसांपासून गायब ?

सरकारी पक्षाची बाजू विशेष सरकारी वकील उज्वल निकम हे मांडत असून त्यांना सरकारी वकील दीपक वैद्य सहकार्य करीत आहे. बचाव पक्षातर्फे भूपेंद्र सोने काम पाहत आहे.