नागपूर : दक्षिण उमरेड वन परिक्षेत्रातील चारगावमधील मसाळा बिटमध्ये सहा दिवसापूर्वी जखमी वाघाला जेरबंद करण्यात आले होते. त्याचा सेमिनरी हिल्स येथील ट्रान्झिट ट्रीटमेंट सेंटरमध्ये उपचारा दरम्यान रविवारी मृत्यू झाला.
वाघाच्या शरिरात पस होऊन निर्माण झालेल्या विषबाधेमुळे अवयव संस्था निष्क्रिय झाली. त्यामुळे या वाघाचा मृत्यू झाला असावा असा प्राथमिक अंदाज पशुवैद्यकीय अधिकाऱ्यांनी व्यक्त केला आहे
बिट क्रमांक ३७४ राखीव वनातून नर जखमी वाघाला १९ जूनला जेरबंद केले होते. त्याच्या समोरील पायात जखम असल्यामुळे उपचारासाठी ट्रान्झिट ट्रीटमेंट सेंटरमध्ये आणले होते. तेव्हापासून उपचार सुरू होते. रविवारी मध्यरात्री जखमी वाघाचा मृत्यू झाल्याचे पशुवैद्यकीय अधिकाऱ्यांनी सांगितले.
राष्ट्रीय व्याघ्र संवर्धन प्राधिकरण (एनटीसीए) च्या मार्गदर्शक सूचनेनुसार समिती गठित करण्यात आली. चमूसमोर वाघाचे शवविच्छेदन करण्यात आले. विसरा नमुने गोळा करून लॅबला पाठविण्यात आले आहे. त्याच्या अहवालानंतर मृत्यूचे नेमके कारण स्पष्ट होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
