सबस्क्राईब करा
तळेगाव (शा.पंत) (जि. वर्धा) : आष्टी तालुक्यातील वर्धा नदीच्या काठावर नमस्कारी येथील बाबाराव महादेव पारिसे (वय ५५) यांचा मृतदेह आढळून आला होता. वडिलांच्या अंगावर जखमा असल्याने या प्रकरणी मुलाने पोलिसात तक्रार दाखल केली होती. पोलिसांनी गुन्हा दाखल करून तपास केला. यात तक्रारदार मुलाने त्याच्या साळ्याच्या मदतीने वडिलांचा खून केल्याचे स्पष्ट झाले.
या प्रकरणी पोलिसांनी मारेकरी मुलगा नागोराव बाबाराव पारीसे (वय ३४) तसेच त्याचा साळा विलास आनंद केवदे (वय २८) रा. वासनी ता.अचलपूर ह. मू. नमस्कारी या दोघांना ताब्यात घेतले आहे. मुलाच्या आणि साळ्याच्या पत्नीवर वाईट नजर असल्याने सख्या बापाचा खून केल्याचा खुलासा पोलिसांसमोर केला. या कारणातून त्यांच्यात नेहमीच वाद होत असल्याचेही त्याने सांगितले. या दोघांना अटक करण्यात आली असून पोलिसांचा तपास सुरू आहे. आष्टी तालुक्यातील भारसवाडा येथील बाजार असल्याने येथे लगतच्या नमस्करी गावातील नागरिक येतात. त्या बाजाराला बाबाराव पारिसे आले होते. घरून बाजारात जाताता मोबाईल रिचार्ज करण्याचे कारण करून ते बाहेर पडले होते. त्याच बाजारातून बाबाराव यांचा मुलगा नागोराव परत आला. त्याने आईला वडील कुठे असल्याचे विचारले असता ते बाजारात गेल्याचे सांगितले. बाराच वेळ झाला तरी ते परत आले नसल्याने नगोराव नातलगासह त्यांच्या शोधात निघाला.
त्यावेळी बाबाराव रक्ताच्या थारोळ्यात पडून असल्याचे दिसून आले. ही घटना २७ मे २०२४ रोजी उघड झाली. या प्रकरणी पोलिसांनी गुन्हा दाखल करून तपास सुरू केला. तब्बल पंधरा दिवसाच्या तपासानंतर खुनाचा गुन्हा उघड झाला. प्रकरणाचा तपास जिल्हा पोलिस अधीक्षक नुरूल हसन यांच्या मार्गदर्शनात उपविभागीय पोलिस अधिकारी खंडेराव, तळेगावचे ठाणेदार संदीप धोबे, निखिल काळे, अतुल अडसड, बालाजी म्हस्के, रूपेश उगेमुगे यांनी केला आहे.
रक्ताच्या डागांनी फुटले बिंग
अटक असलेल्या दोन्ही आरोपींना खून करण्याकरिता दुचाकीसही कुऱ्हाड आणि धारदार ब्लेडचा वापर केला. खून करून दुचाकीने घरी परत जात असताना दोघांनीही खुनाचे बिंग फुटू नये याकरिता विशेष काळजी घेतली होती. परंतु, त्याच्या दुचाकीवर पोलिसांना रक्ताचे डाग दिसले. त्याचा अहवाल आल्यानंतर मुलानेच वडिलांचा खून केल्याचे पुढे आले. पोलिसांनी गुन्ह्यांमधील संशयित आरोपींच्या घरून जप्त केलेला मुद्देमाल सी. ए.परीक्षण करिता न्याय वैज्ञानिक प्रयोग शाळेत पाठविला. त्या अहवालावरून खूनाचा उलगडा झाला.
गळा आवळून केले ब्लेडने वार
नागोराव पारीसे आणि त्याचा साळा विलास केवदे या दोघांनी मिळून पहिले बाबाराव पारिसे यांचा गळा आवळला व नंतर छोट्या धारदार ब्लेडने गळ्यावर वार केले. त्यानंतर कुऱ्हाडीने बाबाराव यांच्या डोक्यावर जोरदार प्रहार करून त्यांना जागीच ठार केल्याचे पोलिसांना सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.