चाकूने वार अन्‌ दगडाने ठेचून दोघांची हत्या 

खामगाव : अवैध व्ययसायातून शहरात दोन तरुणांची दगडाने ठेवून हत्या करण्यात आली. ही घटना शुक्रवारच्या रात्री दीड वाजताच्या सुमारास घडली. या घटनेनंतर शहरात खळबळ उडाली असून, पोलिस मारेकऱ्यांचा शोध घेत आहेत. विशाल देशमुख व सचिन पवार हे दोन्ही युवक शिवाजीनगर पोलिस ठाण्याच्या हद्दीतील घाटपुरी नाका भागात राहतात. रात्री दीड वाजता त्यांचे मृतदेह रक्ताच्या थारोळ्यात आढळून आले. दोन गटात असलेल्या वादातून हे हत्याकांड घडले. 

खामगाव शहरातील घाटपुरी नाका परिसरात पाणीटाकीजवळ गजानन भोंगळ यांची टपरी देशमुख आणि पवार या दोघांनी तोडली. यातून युवकांचा वाद झाला. याच वादातून विशाल देशमुख (वय 30, रा. घाटपुरी नाका), सचिन पवार (वय 33, रा. किसननगर) यांची धारदार शस्त्र आणि दगडाने ठेचून हत्या करण्यात आली. या घटनेने जिल्हात खळबळ उडाली आहे. विशाल देशमुख यांचा 19 डिसेंबरला वाढदिवस साजरा झाला तर त्याच रात्री हे हत्याकांड घडले. 

अधिक माहितीसाठी - कमालंच की, मटणानंतर आता बोकडाच्या चामड्यासाठी आंदोलन

दोन्ही युवक भाजपचे सक्रिय कार्यकर्ते असल्याची माहिती आहे. दोघांवरही सुरुवातील चाकूने वार करण्यात आले. नंतर दगडाने ठेचून मारण्यात आले. दोघांचाही मृत्यू झाल्याचे समजताच आरोपींनी तिथून पळ काढला. घटनेची माहिती मिळताच पोलिसांनी गुन्हा दाखल केला आहे. देशमुख कुटुंबीयांवर दु:खाचा डोंगर कोसळला असून, सध्या परिसरात तणावपूर्ण शांतता आहे. या प्रकरणी पोलिसांकडून तपास सुरू आहे. 

हेही वाचा - चोर आला, चोर आला अन्‌ गेला जीव

तीन संशयित ताब्यात

अवैध व्यवसायाच्या वादातून हे हत्याकांड घडले, अशी प्राथमिक माहिती आहे. याप्रकरणी शिवाजीनगर पोलिसांनी गुन्हा दाखल करून तीन संशयित आरोपींना ताब्यात घेऊन चौकशी सुरू सुरू केली आहे. गजानन भोंगळ, रवींद्र भोंगळ व अरविंद भोंगळ अशी संशयितांची नावे आहेत.