पोटाची खळगी भरण्यासाठी जात होते मजूर, पण वाटेतच काळाची झडप

हिंगणघाट (जि.वर्धा) : शेतातील कामासाठी हिंगणघाटवरून सेलू (मुरपाड) या गावाकडे शेतमजूर घेऊन जाणाऱ्या ऑटोला भरधाव टिप्परने धडक दिली. यात दोन महिलांचा मृत्यू झाला, तर ऑटोचालकासह पाच जण गंभीर झाले. यातील एक घटनास्थळीच ठार झाली तर दुसरीचा मृत्यू सेवाग्राम रुग्णालयात उपचारादरम्यान झाला. ही घटना सावली (वाघ) लगत सोमवारी (ता. 28) सकाळी 10 वाजताच्या सुमारास घडली. यावेळी संतप्त जमावाने धडक देणारे टिप्पर पेटविले. 

हेही वाचा - मुंढेंचे कडक शासन; मृत्यूचा महापूर ते मुस्लिम बांधवांकडून हिंदूंच्या प्रेतांना अग्नी...

चिंधाबाई मारोती कातरे (वय 50) आणि संगीता बबन कापटे (वय 48) दोन्ही रा. चोखोबा वॉर्ड अशी मृतांची नावे असल्याची माहिती पोलिसांनी दिली, तर ऑटो चालक पींटू ऊर्फ शेख शाहीद शेख हारून (वय 30), कुसुम प्रकाश मून (वय 53), मंदा विलास तिवाडे (वय 50), गायत्री बबन कापटे (वय 20), कमला सोपान माथकर (वय 60) अशी जखमींची नावे आहेत. त्यांच्यावर उपजिल्हा रुग्णालयात उपचार सुरू असून सर्वच जखमींची प्रकृती धोक्‍याबाहेर असल्याचे सांगण्यात आले आहे.  

हेही वाचा - नागपूरचा महापौर : दयाशंकर तिवारी यांना काँग्रेस देणार आव्हान; पाच जानेवारीचा मुहूर्त

येथील ऑटोचालक पिंटू ऊर्फ शेख शाहीद शेख हारून हे प्रवासी ऑटोने हिंगणघाट येथून नंदोरी मार्गाने सेलू (मुरपाड) येथे शेतमजूर घेऊन जात होते. दरम्यान, समोरून येणाऱ्या एमएच 32 एजे 2609 क्रमांकाच्या टिप्पर चालकने वाहन भरधाव चालवून एमएच 32 सी 9614 क्रमांकाच्या ऑटोला जोरदार धडक दिली. यात ऑटोमधील दोन महिलांचा मृत्यू झाला. इतर महिला जखमी झाल्या. अपघात झाल्याचे कळताच रस्त्याने जाणारे प्रवासी व गावकरी घटनास्थळी पोहोचले. यात टिप्परचालकाची चूक असल्याचे म्हणत संतप्त जमावाने टिप्पर जाळला. याप्रकरणी पोलिसांनी टिप्पर चालक शेख जावेद शेख नरुद्दीन (वय 36) याला ताब्यात घेतले. 

हेही वाचा - वनमंत्री संजय राठोड यांनी सपत्निक धरला `किसी दिन बनुंगी राजा की राणी’ या गीतावर ठेका  

गिट्टी खदानीमुळे नेहमीच असते वर्दळ - 
या मार्गावर गिट्टी खदान असल्याने येथून नेहमीच भरधाव वाहने असतात. विशेषत: यात गिट्टी भरून जाणाऱ्या वाहनांची संख्या अधिक आहे. यामुळे हा रस्ताही खराब झाल्याचा आरोप गावकऱ्यांनी केला आहे. येथून होत असलेल्या अवैध वाहतुकीवर कारवाई करण्यासंदर्भात वारंवार मागणी करण्यात आली. पण, त्यावर कुठलीही कारवाई करण्यात आली नाही. यामुळे संतापलेल्या गावकऱ्यांनी अपघात होताच टिप्पर जाळला. 

हेही वाचा - उपराजधानीतील ‘मिनीबार’ बंद झाल्याने मद्यशौकीनांची झाली अडचण; ‘सीपी’ची करडी नजर

उभ्या ट्रकला धडक, एक ठार - 
वर्धा-नागपूर मार्गावर उभ्या असलेल्या ट्रकला मागून येणाऱ्या भरधाव ट्रकने धडक दिली. यात धडक देणाऱ्या ट्रकचा वाहक राजेश सखाराम घोडजकर (वय 30) हा जागीच ठार झाला. तर, चालक रामेश्वर सखाराम घोडजकर (वय 28) दोन्ही रा. घोडज जि. नांदेड हा गंभीर जखमी झाला. ही घटना सोमवारी (ता. 28) पहाटे 4.30 वाजताच्या सुमारास सेलू -वर्धा मार्गावर इब्राहिम पेट्रोल पंप समोर घडली.

वर्धा मार्गावर इब्राहिम पेट्रोल पंपाजवळ एमपी 22 एच 2041 क्रमांकाच्या ट्रकचा चालक हरभजनसिंग रतनसिंग कालव (वय 48) रा. जरीपटका ट्रकचे डिझेल चेक करीत होता. दरम्यान मागून येणाऱ्या एमएच 12 एनएक्‍स 1970 क्रमांकाच्या भरधाव ट्रकने धडक दिली. यात रामेश्वर घोडजकर हा गंभीर जखमी झाला व ट्रकमधील वाहक राजेश घोडजकर हा जागीच ठार झाला. याची माहिती सेलू पोलिसांना मिळताच पोलिसांनी घटनास्थळ गाठून जखमीला सेवाग्राम रुग्णालयात दाखल केले. पंचनामा करून मृतदेह शवविच्छेदनासाठी पाठविण्यात आला. घटनेचा तपास ठाणेदार सुनील गाडे यांच्या मार्गदर्शनात जमादार राकेश देवगडे, मंगेश वाघाडे करीत आहे.