दारव्हा (जि. यवतमाळ) : तालुक्यातील कुंभारकीन्ही आणि मोरगव्हान येथे अंगावर वीज कोसळल्याने दोघांचा जागीच मृत्यू (Death of both) झाला. ही घटना गुरुवारी (ता. १०) दुपारी घडली. आकाश प्यारेलाल जाधव (३०, रा. कुंभारकीन्ही) व अशोक रायसिंग राठोड (रा. मोरगव्हान) असे मृत्यू झालेल्यांचे नाव आहे. (Two-killed-in-lightning-strike-in-Yavatmal-district)
कुंभारकीन्ही येथे गावातील शेतकरी गुलाब किसन चव्हाण यांच्या शेतात आकाश कामाला होता. शेतीचे काम सुरू असताना दुपारी वीजांच्या कडकडाटासह पावसाला सुरुवात झाली. त्याचवेळी अचानक दुपारी तीन वाजता वीज आकाशच्या अंगावर कोसळली. त्यात त्याचा जागीच मृत्यू झाला. तो विवाहित असून त्याच्या मागे मोठा आप्तपरिवार आहे.
मोरगव्हान येथील अशोक राठोड यांचा लाडखेड शिवारात दुपारी २ ते ३ वाजताच्या सुमारास अंगावर वीज कोसळल्याने मृत्यू झाला. दोघांकडेही शेतजमीन नसल्याने मजुरीवर कुटुंबाचा उदरनिर्वाह चालत होता. घरातील कर्ता पुरुष गेल्याने कुटुंबावर मोठे संकट कोसळले आहे. संबंधित तलाठ्यांनी या घटनेचा अहवाल तहसीलदारांना दिला आहे.
कालही झाला दोघांचा मृत्यू
कळंब तालुक्यातील शरद या गावातील सुखदेव पारणू कोरझडे (वय २७) या तरुणाचा मंगळवारी वीज पडून मृत्यू झाला होता. सायंकाळच्या सुमारास अचानक आलेल्या मुसळधार पावसात वीज पडून सुखदेव कोरझडे जागीच ठार झाला; तर कमलाकर मेश्राम गंभीर जखमी झाला. पुसद तालुक्यातील जमशेदपूर येथे दुपारी दीड वाजता शेतात काम करताना अंगावर वीज पडल्याने समीक्षा पिंटू जाधव (वय १४) ही मुलगी मृत्युमुखी पडली होती. तिच्या मृत्यूमुळे जमशेदपूरमध्ये हळहळ व्यक्त होत आहे.
(Two-killed-in-lightning-strike-in-Yavatmal-district)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
