कारंजा - स्थानिक विद्याभारती विज्ञान महाविद्यालयाच्या प्रांगणात माजी आमदार स्व.राजेन्द्र पाटणी यांचे स्मृती प्रित्यर्थ आयोजित भारतीय व जिल्हास्तरीय कबड्डी स्पर्धेदरम्यान हायमास्ट लाईटचा टॉवर खेळाडूंवर पडल्याने दोन महिला खेळाडू व प्रशिक्षक गंभीर जखमी झाले आहेत.
कारंजा मानोरा विधानसभा मतदारसंघाचे आमदार स्व. राजेंद्र पाटणी यांचे सुपुत्र ॲड. ज्ञायक पाटनी व वाशिम जिल्हा आर्मिचर कबड्डी असोसिएशन यांच्या वतीने स्व. आ. राजेंद्र पाटणी यांच्या स्मृती प्रित्यर्थ कारंजा येथे भारतीय व जिल्हास्तरीय कबड्डी सामन्याचे २० सप्टेंबर पासून आयोजन करण्यात आले. २० सप्टेंबर रोजी विद्याभारती महाविद्यालयात या कबड्डी सामन्यांचे थाटात उद्घाटन पार पडले. हे सामने २४ सप्टेंबर पर्यंत चालणार आहे.
शनिवारी २१ सप्टेंबर रोजी रात्री खेळल्या जाणाऱ्या सामन्यासाठी पुरेसा प्रकाश मिळावा या उद्देशाने उभारलेला हायमास्ट लाईटचा टॉवर अंगावर पडल्याने दोन महिला कबड्डी खेळाडूसह प्रशिक्षक गंभीर जखमी झालेत.ही घटना सकाळी ११ वाजताच्या दरम्यान घडली.
नंदिनी महादेव आडे (वय-१४ वर्ष) रा. भुली, ता. मानोरा, व अनुप्रिया गोपाल गावंडे (वय-२८ वर्ष) रा. कारंजा असे जखमी महिला खेळाडूंची नावे आहेत. तर गोपाल राऊत रा.कारंजा असे जखमी प्रशिक्षकाचे नाव आहे.
दोन महिला खेळाडूसह प्रशिक्षक जखमी झाल्याची माहिती भ्रमणध्वनीद्वारे श्री गुरु मंदिर रुग्णवाहिकेचे रुग्णसेवक रमेश देशमुख यांना दिली असता त्यांनी तात्काळ श्री जय गुरुदेव रुग्णवाहिकेचे रुग्णसेवक अविनाश भोयर यांना घटनास्थळी पाठवून जखमी महिला खेळाडूना उपचारासाठी उपजिल्हा रुग्णालय कारंजा येथे तर प्रशिक्षकाला खाजगी दवाखान्यात दाखल केले.
या घटनेत दोन्हीही महिला कबड्डी खेळाडूंना गंभीर दुखापत झाली असून, त्यातील एका महिला खेळाडूला पुढील उपचारासाठी बाहेरगावी पाठविण्यात आले. तर दुसऱ्या महिला खेळाडूवर उपजिल्हा रुग्णालयात उपचार करण्यात आल्याची माहिती रुग्णालय प्रशासनाकडून देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.