लाखांदूर - गणेश विसर्जनादरम्यान काढलेली मिरवणुक गावातील एका ईसमाच्या घराच्या छतावरुन पाहत असतांना छत कोसळल्याने ३० ते ४० नागरीक जखमी झाल्याची घटना घडली. ही घटना १८ सप्टेबर रोजी सायंकाळी ७ वाजताच्या सुमारास स्थानिक बारव्हा येथे घडली.
रिना तिलकसिंग बैस (२०), चंद्रकला मोहन सोनवाने (४२), अमिता रविंद्र सोनवाने (४५), अर्चना विजय देव्हारे (४०) सर्व रा बारव्हा असे स्थानिक लाखांदूर येथील ग्रामीण रुग्णालयात अपघातातील जखमी ईसमांची नावे आहेत. काही नागरिक वारवा येथील प्राथमिक आरोग्य केंद्रात तर काही खाजगी रुग्णालयात उपचार करीत असल्याची माहिती देण्यात आली आहे.